Pilipai 1:11 - Label

¹¹ Pa a nunung otleng mang, mulor bukus ana wana tostos a toltol, ning e Iesu Karisito i tol otnan tari ting na numulo a lalaun, sur a taraila lar atong aitna pas e God pa lar alekleki.

Pilipai 1:11 ပူးပေါင်းရင်းမြစ်များ

Matiu 5:16

Larotleng ning, anumulo a talapor ir apuasa i namatan a tarai, sur lar oroi anumulo a wakak a titolla, pa lar atong aitna pas e Tamamulo ning i kes saot na langit.

Jon 15:16

Bel mulo aslang pas iau, iau ot a aslang pas mulo. Pa a saran a titol ta mulo sur mulor han pa mulor wai, pa a waimulo ir kes tikin. Pa e Tata ir tabar mulo ana ututnala rop mulo nunung suri ana risak.

Jon 15:2

I ting arop sen a rakrakanala hok ning bel la wai, pa i buri sen la rop ning la wai, sur lar wai kol.

Jon 15:8

“E Tata ir kibas a matatar ning mulo wai kol, pa a waimulo ir asangani mang mulo anuk na kakak a asaerla.

A Pas ane Pol tetek a tarai Rom 15:28

Pa ning ia ka arop tar anuka titol pa ia ka saran tar a artabar ne tetek a tarai ane God saot e Jerusalem, ar han utumo e Spen. Ana nuk a tinan utumo, ar geren nigon tar mulo.

A Pas ane Pol tetek a tarai Rom 6:22

Ika onone di ka alangolango pas mulo kusun a toltol laulau, pa mulo na tena titol oros tetek e God. Pa mulor kibas a totoh a lalaun, ning ir suah otnan a lalaun tikin.

1 Korin 10:31

I maining, ning mulo hangan, o mulo gang, o ta ngas a utna otleng mulo toli, mulor toli sur mulor aitna pas e God onoi.

2 Korin 9:10

E God esaning i tabar a taraila ana utna ning lar omani pa a utna otleng ning lar eni, ir tabar mulo otleng ana ututnala sur mulor tol a wakak a titol onoi. Pa lamur mulor sol a galis a utna miting na numulo a tostos a toltol.

Epeses 1:12

I aslang pas mila sur mila na ningnigo na tarai ning mila tortorot o e Karisito, sur milar atong leklek pas e God ana nuna matatar.

Epeses 1:14

A Talngan Tabu, a ningnigo na artabar, sur ir amomoli mang lamur ana pukakiar ning e God ir alangolango pas anuna taraila, dalar kibas a ututnala ning e God ka lele tar onoi. Pa dalar atong leklek pas e God ana nuna matatar.

Epeses 2:10

Dala rop, a ngen kuna e God, i akes dala o e Karisito Iesu, sur dalar tol a wakak a titolla, ning e God ka sang tari sur dalar toli.

Epeses 5:9

Anasa a wana lalaun anun esining i kes ana talapor i manglarne: a wakak a toltolla, a tostos a toltolla, pa momolna.

Pilipai 4:17

Bel anumulo na artabar ning a tai suri. A mang ka sur mulor kibas a arlou ana numulo a wakak a titol ning.

Kolosi 1:10

Mia nunung larne sur anumulo a lalaun ir arlar ana toltol anuna Leklek, pa mulor sira tol asaning ir gas onoi. Larning anumulo a lalaun ir suah a waimulo ana wakak a titol rop ning mulor toli, pa mulor gomo ana numulo a tastasman o e God.

Kolosi 1:6

ning i hanot tetek mulo. A Wakak a Warwara ning i gomo pa i wai te na rakrakan hanua rop, arlar larning ka suah tari na arpotor ta mulo, turpasi ana pukakiar ning mulo longori pa mulo tasman momol a marmaris ane God.

2 Tesalonika 1:12

Mitol nunung larning sur dir aitna pas a risana nundala Leklek e Iesu anasa mulo muri, pa e God otleng ir aitna pas mulo. A ututnala rop ne, ir hanot anasa ana marmaris ana nundala God pa a Leklek e Iesu Karisito.

Taitus 3:14

Anundala a tarai lar asaer sur lar saran momol tar a lalaun anunla ana wakak a titol, sur anunla a lalaun ir suah a wakak a wana pa lar nangan a kapan a tarai.

Hibru 12:11

Ana taem ning e God i sira atostos dala, bel dala gas onoi, dala sira kilang ka a kankan. Ika lamur la ning e God i atostos la pa la longor ana nuna asasaerla, lar sol a molmol pa a tostos a toltol ting na nunla lalaun.

1 Pita 2:12

Ika mulor tol a wakak a toltol na arpotor tanla ning bel la tortorot, sur la ning la tiu mulo mang mulo tol a laulaula, lar oroi anumulo na wakak a titol, pa lar atong leklek pas e God ana pukakiar ning ir hanot ono.

1 Pita 2:5

Pa mulo otleng, mulo arlar ana lalaun a hatatla, ning e God i titol o mulo sur mulor hanot a rumai ana Talngan Tabu. Mulor hanot na totoh a tena artabar tetek e God, sur mulor saran na artabar ning i hanot miting na Talngan Tabu, ning i wakak namatana e God, anasa o e Iesu Karisito.

1 Pita 2:9

Ika mulo na tarai a aslang, na tena tuntun artabar tetek a King, mulo na totoh a mangis a tarai, pa mulo na tarai ane God. E God ka kabah pas mulo miting na mormorom sur anuna talapor ning i wakak kol, sur mulor warwara talapor ana anun na wakak a titol.

1 Pita 4:14

Ning di atong laulau mulo anasa mulo ane Karisito, mulo angis. Anasa a Inguna e God, a Ingun a matatar, i kes o mulo.