Pilimon 1:14 - Label

¹⁴ Ika bel a mang sur ar angongos pas u sur ur nangan iau, a mang sur u ot ur toli ona num a gasgas. Bel ar tol ta utna tuk ning u ot ur malmaling.

Pilimon 1:14 ပူးပေါင်းရင်းမြစ်များ

1 Korin 9:17

Ning iau ot a mang sur ar warawai, ar kibas ot anuk ta arlou. Ika, ning bel ta nuknukik suri, ar tol ka a titol ning e God ka saran tari tak.

1 Korin 9:7

Esi na tena harum ning i ot ir lou pas a ututnala ning i kapan suri? Esining ir oman a barim a wain pa bel ir ien pas al wana ono? Esi ning ir tai alar a sipsipla pa bel ir gang pas al polo na sus tanla?

2 Korin 1:24

Bel mila mang sur milar warkurai sur anumulo a tortorot. Mila mang ka sur milar titol taum o mulo, sur mulor gas, anasa mulo ka tur rakrakai ana tortorot.

2 Korin 8:12

Ning mulo mang kol sur mulor artabar, e God ir gas. E God i mang sur mulor saran asaning mulo tolsot sur mulor sarani, bel i nuknuk sur asaning bel mulo tolsot sur mulor sarani.

2 Korin 9:5

I maining ar sune nigon sen natol a tasimila ne, sur ditol ir han nigo uting, pa ditol ir nangan mulo sur mulor sang a artabar ning mulo lele tari mang mulor sarani. Ning mulo ka sang nigon tar anumulo a artabar, i a artabar momol ning mulo mang sur mulor sarani, pa bel a utna ning di angongos pasi ka kusun mulo.

2 Korin 9:7

Mulo taktakai, mulor saran a utna ning mulo ka nuki mang mulor gas sur mulor sarani. Pa gong mulo saran a utna ning bel mulo gasgas sur mulor sarani, pa gong mulo artabar ning di angongos tar mulo ka. Anasa e God i mang sur la ning la artabar ana gasgas.