A Wakak a Warwara o e Iesu Karisito i tumusi 9:19 - Label

¹⁹ E Iesu i keles la mange, “Mulo na tarai tagun onone, bel mulo tortorot! Ia ka kes bongnan iau te napirim mulo. Nangse mulor tortorot? Mulor ben a kaklik ning tetek iau.”

A Wakak a Warwara o e Iesu Karisito i tumusi 9:19 ပူးပေါင်းရင်းမြစ်များ

Matiu 17:17

E Iesu i kelesi mang, “Mulo na tarai tagun onone, bel mulo tortorot pa mulo na tena laulau. Ia ka kes bongnan iau te napirim mulo. Nangse mulor tortorot? Mulor ben a kaklik ning ute tetek iau.”

A Wakak a Warwara o e Iesu Karisito i tumusi 16:14

Lamur i hanot pas tetek ning a bonot pa pisir takai a kakak a asaerla kaning la hangan. Pa i warwara rakrakai onla, anasa bel la tortorot, pa a balanla i rakrakai, pa bel la tortorot onla ning la ka oroi tari ning ka laun ulak.

A Wakak a Warwara o e Iesu Karisito i tumusi 9:18

Ning a mot ne i sira umi, i sira minggen purumi ting lapiu, pa a busa na pahana i sira purum, i arngingit pa a palaona i rakrakai. A nunung anum na kakak a asaerla sur lar kepsen a mot kusuni, ika bel la tolsot pasi.”

A Wakak a Warwara o e Iesu Karisito i tumusi 9:20

Pa la ben pasi tetek e Iesu. Ning a mot i oroi pas e Iesu, aiapiapka i minggen purum tar a kaklik ning ting lapiu, pa i pele, pa i busa a pahana.

Luk 24:25

Pa e Iesu i atongi tandiau, “Mu longlong ka, bel mu tortorot kapit ana warwarala rop ning a propetla ka atong tari.

Luk 9:41

E Iesu i atongi mang, “Mulo na tarai tagun onone, bel mulo tortorot, pa mulo na tena laulau. Ia ka kes bongnan iau te napirim mulo. Nangse mulor tortorot? Ur ben e natumlik ute.”

Jon 12:27

“Onone anuka lalaun i mamahat kol. Asa ning ar atongi? Mangmangasa, ar atongi larne, ‘Tata, gong u noren tar a mamahat ne ir hanot tetek iau’? Bel! Bel ar nunung larne, a kamkamna ot ne, ning a hanot suri.

Jon 20:27

Lamur i atai e Tomas mange, “Subaran a pitlai kum ute, pa ur oroi naur a kuk. Atostos a kum ute, pa ur subarani ana kabarangragaik. Pa gong ma u urmatana nuknuk, ur tortorot ka.”