A Wakak a Warwara o e Iesu Karisito i tumusi 8:38 - Label

³⁸ Pa tik ning ir meme hok pa anuk na warwara namatana taun taraila ning anunla lalaun i bakbak kusun e God pa la sira tol a toltol laulau, a Nat a Barsan otleng ir meme ono ning ir hanot taum ana nuna angelola pa a matatar anune Tamana.

A Wakak a Warwara o e Iesu Karisito i tumusi 8:38 ပူးပေါင်းရင်းမြစ်များ

Matiu 12:39

I keles la mang, “A tarai tagun anone, a laulau a tarai, anunla a lalaun i bakbak kusun e God. La nunung sur ta akinalang, ika bel dir tol tar tik tetek la. Dir tol ka a akinalang arlar larning di tol tari o e Jona a propet.

Matiu 13:41

A Nat a Barsan ir sune sen anuna angelola, pa lar kibas arop sen a ututnala ning i ben rongon a tarai, pa la otleng ning la sira tol a toltol laulau.

Matiu 16:27

Anasa a Nat a Barsan ir hanot taum ana matatar anun e Tamana, la taum ana nuna angelola, pa ir saran arlou tetek a tarai taktakai arlar ana nuna titol.

Matiu 16:28

A atong momoli ta mulo, dingla o mulo ning mulo tur te, belot mulor mat, pa mulor oroi a Nat a Barsan ir hanot taum ana nuna matanitu.”

Matiu 16:4

A tarai tagun anone, a laulau a tarai, anunla a lalaun i bakbak kusun e God. La mang sur lar oroi ta akinalang, ika bel dir tol tar tik tetek la. Dir tol ka a akinalang arlar larning di tol tari o e Jona.” Lamur e Iesu i han kusun la.

Matiu 24:30

“Ana taem ning, a akinalang ana Nat a Barsan ir hanot ana bakut. Pa na tarai miting na matanitu rop te na rakrakan hanua lar domos. Pa lar oroi a Nat a Barsan ir hanot ting na didia bakutla, taum ana rakrakai pa a tnan matatar.

Matiu 25:31

“A Nat a Barsan ir hanot ana nuna matatar, taum ana nuna angelola, pa ir kes ana nuna keskes a king. A keskes ning a tnan matatarna.

Matiu 26:64

E Iesu i kelesi mang, “I ot ning u atongi. Pa atai mulo mang, turpasi anone, mulor oroi a Nat a Barsan ir kes ana sot a kuna e God, esaning i rakrakai kol, pa lamur mulor oroi i ning ir hanot ana didia bakutla misaot na langit.”

Matiu 8:20

Pa e Iesu i atongi tana mang, “A rokoio na papla anunla na tungla ot, pa a manila otleng anunla na pios ot, ika a Nat a Barsan bel anuna ta rumai sur ir borbor onoi.”

A Wakak a Warwara o e Iesu Karisito i tumusi 13:26

“Ana taem ning, a tarai lar oroi a Nat a Barsan ir hanot ana laukap taum ana tnan rakrakaina pa a matatar.

A Wakak a Warwara o e Iesu Karisito i tumusi 14:62

E Iesu i kelesi mange, “Iau ot ning, pa lamur mulor oroi a Nat a Barsan ir kes ana ris a sot a kuna e God, ning i rakrakai kol, pa ir hanot ana laukap misaot na langit.”

A Wakak a Warwara o e Iesu Karisito i tumusi 8:37

Ir lou keles anuna lalaun ana sa?

Luk 19:26

I keles la mang, ‘A atongi ta mulo, esining i tong akes a galis, dir tabar ulaki ana galis. Ika esining bel i tong akes ta utna, dir kepsen otleng anuna siklik utna kusuni.

Luk 9:26

Ning tik ir meme hok pa ana nuka warwarala, a Nat a Barsan otleng ir meme onoi, ning ir hanot ana nuna matatar, pa a matatar otleng ane Tamana pa anuna angelola.

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Jon 1:51

Lamur e Iesu i atai i mange, “A atong momoli ta mulo, mulor oroi a langit ir sapang, pa a angelola ane God lar hanan kas pa lar hanan purum tetek a Nat a Barsan.”

Jon 12:34

Pa kunum a tarai la atai i mange, “Mila longori ana Buk na warkurai mange, e Karisito ir kes tikin. Sur asa u atongi mang dir rakan kas a Nat a Barsan usaot? Esining a Nat a Barsan?”

Jon 5:27

E God i saran tar a warkurai tana sur ir warkurai a taraila ono, anasa i a Nat a Barsan.

Aposel 10:22

Ditol kelesi mang, “E Konilius, a ningnigo anuna ning a mar a tarai a harum i sune mitol. E Konilius i ning a tena tostos pa a tena hanrawai tetek e God, pa a tarai Juda rop la hanrawai i. A angelo ane God i atai tari mang ir arsune pas u utumo ana nuna rumai, sur ir longor anum ta warwara.”

Aposel 5:41

Pa a aposella la purum miting na kiwung, la gas, anasa e God i oroi la mang, la wakak sur lar kilang a meme ana risana e Iesu.

A Pas ane Pol tetek a tarai Rom 1:16

Bel a meme ana Wakak a Warwara, anasa i a rakrakai e God sur ir alaun pas a taraila rop ning la tortorot. Tetek mila a tarai Juda nigo, pa onone tetek mulo otleng ning bel na tarai Juda.

Galesia 6:14

Iau ot bel ar aitna pas iau. Ar aitna pas ka anundala Leklek e Iesu Karisito ning i mat saot na rakai kutus. Anasa saot na rakai kutus, a toltol mite na rakrakan hanua i mat kusun iau, pa iau otleng, ia ka mat kusun a toltolla mite na rakrakan hanua.

1 Tesalonika 2:19

Mitol mang kol sur mitol ar oroi mulo, anasa mitol tortorot o mulo mang mulo tur rakrakai, pa mulo a kamkamna ana numitol a gasgas, pa mitol ar iaunan mitol o mulo ana pukakiar ning anundala Leklek e Iesu ir hanot, pa dalar tur namatana.

1 Tesalonika 3:13

Manglarning, a Leklek ir arakrakai mulo sur mulor totoh, pa bel dir arup sot pas mulo on ta rongo, ning mulor tur namatana e God a Tamandala, ana pukakiar ning anundala Leklek e Iesu ir hanot, taum ana nuna tarai rop.

2 Timoti 1:12

Ine kamkamna ning a kilang kankan larne. Ika, bel a meme, anasa a tasman esaning a tortorot onoi. I momol kol, a tasmani mang ir tolsot pasi sur ir tai alar a titol ning i saran tari tak, tuk ana pukakiar a warkurai.

2 Timoti 1:16

A nunung sur e God ir maris e Onesiporus latamana, anasa e Onesiporus i sira agasgas iau, pa bel i meme hok ning a kes ana dodot.

2 Timoti 1:8

Pa gong u meme sur ur atatai ana Leklek anundala, pa gong u meme hok ning a kes te na rumai a dodot ana risana. Ika, ur sang sur u otleng ur kilang kankan ana Wakak a Warwara taum hok. Pa e God ot ir saran a rakrakai tetek u ning ur titol.

Hibru 11:16

Ika a nuknukinla sur a hanua saot na langit, a hanua ning i wakak tana hanua ning la ka han kusun tari. I maining e God bel i meme sur lar atongi mang ai anunla God, anasa ka sang tar a hanua sur la.

Hibru 11:26

I nuki mang a meme ning ir kilangi ana risana e Karisito i wakak kol tana gongonla tumo e Ijip, pa a matana i abit kol, anasa i nuknuk sur anuna arlou lamur.

Hibru 13:13

I wakak ning dalar han teteki kaning ot lapiu na hanua, pa dalar kilang meme taum onoi.

Jems 4:4

Mulo ka han kusun e God, arlar ana hane ning i han kusun anuna barsan, pa i tol a toltol a pamuk. I mangasa, bel mulo tasmani, ning mulo mang sur a toltol mite na rakrakan hanua, mulo na hirua ane God? Esining i aslang pas a rakrakan hanua sur dia halna, ir hanot a hirua ane God.

1 Jon 2:23

Tik ning i puai sen a Nat e God, e Tamana otleng bel i kes onoi. Pa tik ning i patuai talapor o e Natnalik, e Tamana otleng i kes onoi.

1 Jon 2:28

Momol, a natnatukla, mulor patap tikin o e Karisito, sur gong dala matmataut pa gong dala meme namatana ana nuna tinan ot.

Tatatai 14:10

i otleng ir gang ting na wain a balakut ane God. A wain ne di ka sang tari, a rakrakaina i itna kol, pa di peki ting na kap a balakut ane God. Dir akadiki ana iah pa salfa salanigo tana Nat a Sipsip pa na totoh a angelo ane God.