A Wakak a Warwara o e Iesu Karisito i tumusi 8:31 - Label

³¹ E Iesu i turpasi sur ir asaer anuna kakak a asaerla mange, “A Nat a Barsan ir kilang a galis a mamahat, pa a ningnigola, pa a leklek a tena artabarla tetek e God, pa a tena asaerla tagun a warkurai lar gilam ris kusuni pa dir umkoli. Ning natol a pukakiar ir rop ir laun ulak.”

A Wakak a Warwara o e Iesu Karisito i tumusi 8:31 ပူးပေါင်းရင်းမြစ်များ

Matiu 12:40

Arlar o e Jona i laun natol a pukakiar ting na balan a tnan sis, larka otleng ning a Nat a Barsan ir borbor pas natol a pukakiar tingui na piu.

Matiu 21:42

E Iesu i atai la mang, “I mangasa, belot mulo was a warwara ne ting na Buk Tabu? I atongi mang, ‘A hat ning na tena tol rumai la kepseni, i ot ning, a wakak a hat kes, ning di tol a rumai saot ono. A utna ne, a Leklek ot ka tol tari, pa i wakak kol ana numila a tatatai.’ Buk Song 118:22-23

Matiu 27:63

La atai i mang, “Leklek, mila nuk pas a warwara anuna tena asasongo ne. Ning kaning ot i laun, i atongi mang, ning natol a pukakiar ir rop, ir kamtur ulak.

A Wakak a Warwara o e Iesu Karisito i tumusi 12:10

Mangmangasa, bel mulo was a warwara ne ting na Buk Tabu? I atongi mange, ‘A hat ning a tena tol rumaila la kepseni, i ot ning a wakak a hat kes, ning di tol a rumai saot ono.

Luk 17:25

Ika a Nat a Barsan ir kilang nigon a galis a mamahat, pa a taraila tagun onone lar pilak seni.

Luk 24:26

La atongi mang a Karisito ir kilang a kankanla ne, pa lamur ir kas ana nuna matatar.”

Luk 24:44

Pa i atongi tanla, “Ning a kes ot taum mulo, ia ka atong tar a warwara ne tetek mulo mang: A ututnala rop ning di ka tumus tari hok, ana warkuraila ane Moses, ana warwara anuna propetla pa ana Saksakla dir tolsot pasi.”

Jon 12:48

Esining bel i mang sur iau pa bel i kibas anuk na warwarala, anuk na warwarala ot ning lar warkurai i ana ararop a pukakiar.

Jon 2:19

E Iesu i keles la mange, “Mulor regen sen a rumai ne ane God pa ar atur ulak pasi ana natol a pukakiar ka.”

Aposel 7:35

“A tarai Israella ning la aliu sen e Moses, ana nunla na warwara mang, ‘Esi i suah tar u sur ningnigo pa ur tena warkurai anumila?’ Ika, i ot ning e God i sune i sur ir ningnigo pa ir alangolango a taraila. I sune i ana warwara anuna angelo ning i hanot teteki ting na bual ning i irnga.

1 Korin 15:4

Di akas tari ting na kulam a minat, pa natol a pukakiar lamur e God i akamtur ulak pasi kusun a minat, larning di ka tumus tari ting na Buk Tabu.