A Wakak a Warwara o e Iesu Karisito i tumusi 8:23 - Label

²³ I tong pas a kuna kut, pa i ben maskani kusun a hanua. Ning ka namis tar naur a matana pa ka suah tar naur a kuna ono, i dekeni mang, “U ka oroi ta utna?”

A Wakak a Warwara o e Iesu Karisito i tumusi 8:23 ပူးပေါင်းရင်းမြစ်များ

A Wakak a Warwara o e Iesu Karisito i tumusi 5:23

Pa i nunung kol mange, “A natuk hane, milau ir mat. Lamut, dar han pa ur suah naur a kum saot ono, sur ir langolango ulak pa ir laun.”

A Wakak a Warwara o e Iesu Karisito i tumusi 7:33

E Iesu i ben masik pasi kusun a kunum a tarai, pa i suah naur a pitlai kuna ting na naur a talngana barsan ning. Lamur i namis pas, pa i tong a laigerem a barsan ning.

A Wakak a Warwara o e Iesu Karisito i tumusi 8:24

Pa a barsan ning i tai tostos, pa i atongi mang, “A oroi a tarai lar a rakaila ning la han.”

A Wakak a Warwara o e Iesu Karisito i tumusi 8:26

E Iesu i sune sen a barsan ning, pa i atai i mang, “Ur han tostos sur anuma rumai. Gong u han ting na tinine hanua.”

Aposel 23:19

A tnan ningnigo i tong pas a kuna pa i ben masik pasi, pa i dekeni mange, “Asa ning u mang sur ur atai iau ono?”

Aposel 9:8

E Sol i kamtur miting lapiu, pa ning i palpalas matana, bel i oroi sot ta utna. Pa la beni ana kuna utumo e Damaskus.

Hibru 8:9

Bel ir arlar ana kunubus ning a toli taum ana tumtubunla ana pukakiar ning a ben purum pas la mitimo e Ijip, anasa bel la mur anuka kunubus, pa a gilam ris kusun la.

Tatatai 3:18

A nangan mulo ana nuknukla ne: Mulor lou a gol tak, ning di ka tun totoh tari ana iah, sur mulor gongon ono. Pa mulor lou otleng a kokok a kaen pa mulor pipisi, sur mulor pipis alar mulo sur gong mulo meme, anasa mulo mengere ka. Pa mulor lou a marasin tak pa mulor suahi ana naur a kalso matamulo, sur mulor tai wakak.