A Wakak a Warwara o e Iesu Karisito i tumusi 8:22 - Label

²² E Iesu taum ana kakak a asaerla anunai la hanot tisa e Betsaida, pa a tarai la ben pas ning a matanakut teteki, pa la nunungi sur ir suah a kuna saot ono sur ir tai.

A Wakak a Warwara o e Iesu Karisito i tumusi 8:22 ပူးပေါင်းရင်းမြစ်များ

Matiu 11:21

I atongi mang, “Ir laulau tetek mulo a tarai Korasin, pa ir laulau otleng tetek mulo a tarai Betsaida. Ngandek ning di kar tol tar a ututnala na kulkulan ne tetek a tarai Tair pa tarai Saidon, arlar larning di ka tol tari tetek mulo, la kar lingir kapit a nuknukinla pa lar tobo, lar mermer ana kaenla na bal maris pa lar sabar a palaonla ana kubus a iah. Ika mulo, bel mulo lingir a nuknukim mulo.

Matiu 14:36

Pa la nunungi sur a tinsamanla lar tuk tar ka a tuka kaen anunai. Pa la rop ning la tuk tari, la langolango kakat.

Matiu 8:15

E Iesu i tong a kuna, pa laplapang i rop kakat kusuni. I kamtur, pa i tabar e Iesu ana utna na hangan.

Matiu 8:3

E Iesu i tuslan a kuna, pa i tong a palaona, pa i atongi tana mang, “A mang ot, ur langolango.” Ono otning a lepra i rop kusuni.

Matiu 9:29

Pa i tong naur a matan diau pa i atai diau mang, “Dir toli tetek mu arlar ana sa mu tortorot onoi.”

A Wakak a Warwara o e Iesu Karisito i tumusi 2:3

Dingla na tarai la hanot taum ana ning a barsan a palaona i mat. Diat a barsan la losi tetek e Iesu.

A Wakak a Warwara o e Iesu Karisito i tumusi 6:45

Aiapiap ka e Iesu i sune sen anuna kakak a asaerla sur lar kas ana mon pa lar nigo utumo e Betsaida tumo na ris a puka tasi. Pa i, i kes ot sur ir sune sen a tarai.

Luk 10:13

“Ir laulau tetek mulo a tarai Korasin, pa ir laulau otleng tetek mulo a tarai Betsaida. Ngandek ning di kar tol tar a ututnala na kulkulan ne tetek a tarai Tair pa tarai Saidon, arlar larning di ka tol tari tetek mulo, a tarai Tair pa tarai Saidon la kar lingir kapit a nuknukinla pa lar tobo, lar mermer ana kaenla na bal maris pa lar sabar a palaonla ana kubus a iah. Ika mulo, bel mulo lingir a nuknukim mulo.

Luk 9:10

Ning a aposella la ulak, la atai e Iesu ana ututnala ning la ka tol tari. I ben pas la, pa la han masik uting na hanua a risana e Betsaida.

Jon 1:44

E Pilip i mitimo e Betsaida, a hanua ane Endru pa e Pita.

Jon 12:21

Pa la han tetek e Pilip, a te Betsaida. E Betsaida a hanua ting na papar Galili. Pa la atai i mange, “Lak, mila mang sur milar oroi e Iesu.”