A Wakak a Warwara o e Iesu Karisito i tumusi 8:13 - Label

¹³ Pa i kas ulak ana mon, pa la han kusun la utumo na ris a puka tasi.

A Wakak a Warwara o e Iesu Karisito i tumusi 8:13 ပူးပေါင်းရင်းမြစ်များ

Matiu 15:14

Mulor noren sen a Parisaiola. La a ningnigola, la arlar ka ana kutla. Ning ta kut ir ben ta kut, dia rop diar punga lorong ting na tung.”

Matiu 7:6

“Gong mulo tabar a papla ana utna ane God, sakana lar talingir, pa lar arat gingini mulo. Pa gong mulo minggen anumulo a sar tetek a boroila, sakana lar pas gingini i ka ana hanla.

A Wakak a Warwara o e Iesu Karisito i tumusi 8:12

E Iesu i ngoro pa i mang, “Sur asa a tarai tagun anone la nunung sur ar tol ta akinalang? A atong momoli ta mulo, bel dir tol ta akinalang ta mulo.”

A Wakak a Warwara o e Iesu Karisito i tumusi 8:14

A kakak a asaer la dumani sur lar los al bret, takai sot ning la losi ting na mon.

Luk 8:37

Pa taraila rop tagun a papar anuna Gerasala la nunung e Iesu sur ir han kusun la, anasa la matmataut kol. Lamur e Iesu i kas ulak ana mon pa i han.

Jon 12:36

Ning a talapor kanet, mulor tortorot onoi, sur mulo na natnat a talapor.” Ning e Iesu ka atong arop tar a warwara ne, i kamtur pa i han kumna kusun la.

Jon 8:21

E Iesu i atai ulak a taraila mange, “Ar han kusun mulo, mulor tai sur iau, pa mulor mat taum ana numulo na toltol laulaula. A hanua ning ar han suri, bel mulor han lar pas tingia.”

Aposel 18:6

Ika a tarai Juda la saran taurunla sur e Pol pa la atong saksakani. Pa e Pol i daplan anuna kaen, a asilang mang bel ma ir warwara ulak tetek la. Pa i atai la mange, “Ning mulor hirua ana warkurai ane God, mulo ot a kamkamna, pa ia ka langolango. Turpasi onone, ar han kama tetek la ning bel a tarai Juda.”

Aposel 27:2

Mila kas ana ning a sip misaot Adramitium, ning ir han sur ir sot amon ting na hananuala ana papar Esia. Ning mila kas, a sip i han. Mila armuri taum o e Aristarkus misaot e Tesalonika ana papar Makedonia.