A Wakak a Warwara o e Iesu Karisito i tumusi 8:12 - Label

¹² E Iesu i ngoro pa i mang, “Sur asa a tarai tagun anone la nunung sur ar tol ta akinalang? A atong momoli ta mulo, bel dir tol ta akinalang ta mulo.”

A Wakak a Warwara o e Iesu Karisito i tumusi 8:12 ပူးပေါင်းရင်းမြစ်များ

Matiu 12:38

Lamur dingla na tarai tagun na tena asaer tagun a warkurai pa a Parisaiola la atongi tana mang, “Tena Asaer, ur tol ta akinalang sur milar tasmani mang, u a tena titol ane God.”

Matiu 16:4

A tarai tagun anone, a laulau a tarai, anunla a lalaun i bakbak kusun e God. La mang sur lar oroi ta akinalang, ika bel dir tol tar tik tetek la. Dir tol ka a akinalang arlar larning di tol tari o e Jona.” Lamur e Iesu i han kusun la.

A Wakak a Warwara o e Iesu Karisito i tumusi 3:5

E Iesu i tai taltal ana balakut tetek la. I nukmaris la anasa la tagar a nuknukinla. Pa i atai a barsan ning mang, “Ur kodos a kum.” I kodosi, pa a kuna i tostos ulak.

A Wakak a Warwara o e Iesu Karisito i tumusi 6:6

Pa e Iesu i kulkulan mang bel la tortorot ono. Lamur e Iesu i han ting na hanhanuala pa i asaer a taraila.

A Wakak a Warwara o e Iesu Karisito i tumusi 7:34

I tadai usaot na langit, i los wuwu pas, pa i atai i mang, “Epata!” A kamkamna mange: “Ur Sapang!”

A Wakak a Warwara o e Iesu Karisito i tumusi 8:13

Pa i kas ulak ana mon, pa la han kusun la utumo na ris a puka tasi.

A Wakak a Warwara o e Iesu Karisito i tumusi 9:19

E Iesu i keles la mange, “Mulo na tarai tagun onone, bel mulo tortorot! Ia ka kes bongnan iau te napirim mulo. Nangse mulor tortorot? Mulor ben a kaklik ning tetek iau.”

Luk 19:41

Ning e Iesu i milau e Jerusalem pa i oroi i, i tangis ono, pa i atongi,