A Wakak a Warwara o e Iesu Karisito i tumusi 7:25 - Label

²⁵ Ning a hane, a natna hane a mot kaning ono. Ning i longor a warwara o e Iesu, aiapka i han pa i punga tuntudu salanigo ta e Iesu.

A Wakak a Warwara o e Iesu Karisito i tumusi 7:25 ပူးပေါင်းရင်းမြစ်များ

Matiu 15:22

Ning a hane Kenan miting na papar ning, i hanot pa i kabah e Iesu mang, “Leklek, a Nat e Dewit ur maris iau. A natuk hane, a mot kaning ono, pa i sira alaulau i.”

A Wakak a Warwara o e Iesu Karisito i tumusi 1:40

Ning a barsan, a lepra, i han tetek e Iesu, i kes ana bokona hana, pa i nunung rakrakai i mang, “Ning u mang, ur tolsot sur ur alangolango pas iau.”

A Wakak a Warwara o e Iesu Karisito i tumusi 5:33

A hane ning i matmataut, pa i koloron, anasa i tasman a utna ning i hanot ono. I han tetek e Iesu, i punga salanigo tana, pa i atong puasa a utna ning ka tol tari.

A Wakak a Warwara o e Iesu Karisito i tumusi 7:24

E Iesu i han mitingia, pa i hanot milau a hanua Tair. I kas uting na ning a rumai. Bel i mang sur tik ir tasmani, ika bel i tolsot sur ir mumun.

A Wakak a Warwara o e Iesu Karisito i tumusi 7:26

A hane ning, i a hane Ponisia miting na papar Siria, belsur a hane Juda. I nunung e Iesu sur ir kepsen a mot kusun e natnalik.

Luk 17:16

Pa i tur ana bokona hana milau naur a hana e Iesu pa i atong wakak teteki. A barsan ne a te Samaria.