A Wakak a Warwara o e Iesu Karisito i tumusi 7:2 - Label

² pa la oroi dingla na kakak a asaer ane Iesu, la hangan ka ana dur a kunla, bel la gos nigon pas a kunla.

A Wakak a Warwara o e Iesu Karisito i tumusi 7:2 ပူးပေါင်းရင်းမြစ်များ

Matiu 15:2

“I mangasa sur anuma kakak a asaerla bel la sira mur a asasaerla ana nundala a tarai tagun nating? Bel la gos nigon pas a kunla ning la hangan.”

A Wakak a Warwara o e Iesu Karisito i tumusi 7:5

A Parisaiola pa tena asaerla tagun a warkurai la deken e Iesu mang, “Sur asa ning anuma kakak a asaerla bel la mur a asaerla ana nundala a tarai tagun nating? La hangan ka ana dur a kunla.”

Luk 11:38

A Parisaio i kulkulan, anasa i oroi mang e Iesu bel i gos nigon pas a kuna.

Aposel 10:28

Pa i atai la mange, “Mulo tasmani mang di arsairas ting na warkurai mang mila na te Judala, milar lasan taum tik ning bel tagun a tarai Juda, pa milar gereni otleng. Ika e God ka asangan tar iau mang gong a atong tik mang i dur namatana e God, pa gong a nuki mang di arsairas tetek mila ning milar lasan taum onoi.

Aposel 11:8

Pa a kelesi mange, ‘Leklek, a momolna ot! Bel a ien tar ta utna ning di arsairas ono pa i dur namatam.’

A Pas ane Pol tetek a tarai Rom 14:14

Ana nuk a lalaun ting na Leklek e Iesu, a tasman momoli mang bel ta utna na hangan ir asanan tar dala sur dalar laulau namatana e God. Ika, ning tik i nuki mang ir laulau namatana e God ning ir ien ta ngas a utna, i ot i tasmani mang bel i tostos teteki sur ir ieni.

Hibru 10:29

Ning tik i anatarna pas a Nat e God, pa i nuki mang a suluk ana kunubus, ning di ka atotoh tari onoi i a utna oros ka, pa i atong laulau a Talngan Tabu na marmaris, ir rakrakai kol a warkurai a arkeles teteki. Ir rakrakai kol tana warkurai a arkeles tetek tik ning i tabun longor ana warkurai ane Moses.

Tatatai 21:27

Bel ta dur a utna ir kas tingui na hanua ning, pa bel tik ning i sira tol a ututnala na meme pa bel tik otleng ning i sira asasongo. La ka, ning di ka tumus tar a risanla ting na buk a lalaun ana Nat a Sipsip lar kas.