A Wakak a Warwara o e Iesu Karisito i tumusi 6:6 - Label

⁶ Pa e Iesu i kulkulan mang bel la tortorot ono. Lamur e Iesu i han ting na hanhanuala pa i asaer a taraila.

A Wakak a Warwara o e Iesu Karisito i tumusi 6:6 ပူးပေါင်းရင်းမြစ်များ

Matiu 4:23

E Iesu i han taltal ting na papar Galili rop, pa i asaer a tarai ting na nunla na rumai a lotula. I warawai ana Wakak a Warwara ana matanitu misaot na langit. Pa i alangolango pas a taraila kusun a urmatana ngas a tinsamanla rop.

Matiu 8:10

Ning e Iesu i longor anuna warwara, i kulkulan kol onoi, pa i atongi tetek a tarai ning la muri mang, “A atong momoli tamulo, bel a oroi tar ta te Israel ning anuna tortorot i itna arlar ana barsan ning.

Matiu 9:35

E Iesu i han ting na tatatnan hanuala pa nanatar a hanuala rop. I sira asaer a taraila ting na nunla na rumai lotula, pa i sira warawai ana Wakak a Warwara ana matanitu ane God, pa i alangolango pas a tarai kusun a urmatana ngas a tinsamanla rop.

A Wakak a Warwara o e Iesu Karisito i tumusi 1:39

Pa i han taltal ting na papar Galili rop. I warawai ting na rumai lotu anunla, pa i kepsen a motla kusun a taraila.

A Wakak a Warwara o e Iesu Karisito i tumusi 10:1

E Iesu i han misaot utumo ana papar Judia, pa i kotop a malum Jodan. A kunum a tarai la han teteki, pa i asaer ulak la lar otning i sira toli.

Luk 13:22

Ning e Iesu i han amon usaot e Jerusalem, i asaer a taraila ting na tatatnan hanua pa na nanatar a hanua.

Luk 4:31

Lamur e Iesu i han utumo e Kapernaum, ana papar Galili, pa i asaer la ana Pukakiar Sabat.

Luk 4:44

Pa i warawai amon ting na rumai lotula ana papar Judia.

Jon 9:30

A barsan i keles la mange, “Ai, a utna na kulkulan! Bel mulo tasmani mang i han mitaha, ika ka apalpalas pas naur a matak.

Aposel 10:38

Mulo tasmani mang e God ka saran tar a Talngan Tabu taum ana rakrakai tetek e Iesu, a te Nasaret. Ning i han taltal, i tol a wakak a titolla, pa i alangolango pas la, ning la kes nahai a warkurai ane Satan. E Iesu i tol a ututnala ne, anasa e God i kes taum onoi.