A Wakak a Warwara o e Iesu Karisito i tumusi 5:15 - Label

¹⁵ Ning la hanot tetek e Iesu, la oroi a barsan ning a kabaliur a motla la ka purum tar kusuni. Kaning i kes, ka pipis pas pa ka mananos ulak. Pa la matmataut.

A Wakak a Warwara o e Iesu Karisito i tumusi 5:15 ပူးပေါင်းရင်းမြစ်များ

Matiu 12:29

“Bel tik ir tol sot pas sur ir kas uting na rumai anuna ta rakrakai barsan, pa ir los pas a ututnala mitisaui na rumai, ning bel ir dot akes nigon tari. Ning ot ir dot akes nigon tari, ir bot los a ututnala anuna barsan ning.

Matiu 26:53

I mangasa, u nuki mang, bel ar tolsot sur ar nunung e Tata sur al galis a rip a angelo, pa ono otne ir sune sen la tetek iau?

Matiu 4:24

Pa a warwara o e Iesu i han sarara ting na papar Siria rop. Pa la ben rop pas a tarai ning a urmatana ngas a tinsaman i alaulau la, a tarai ning a rakrakai a kankan i alaulau la, pa la ning a motla kaning onla, la otleng ning la sira mat lalang pa la ning a palaonla i mat. Pa e Iesu i alangolango pas la rop.

Matiu 9:33

E Iesu i kepsen a mot kusuni, pa barsan ning i ngat i bot warwara. Pa kunum a tarai la kulkulan, pa la atongi mang, “Bel ta utna larne di oroi tari te e Israel. I bot ne di oroi.”

A Wakak a Warwara o e Iesu Karisito i tumusi 5:14

La ning la tai alar a boroila, la dun ulak, pa la atatai ana utna ne ting na hanua anunlai pa dingla na hananuala otleng. Pa a tarai la han sur lar oroi asaning i hanot.

A Wakak a Warwara o e Iesu Karisito i tumusi 5:16

La oroi asaning e Iesu i toli, pa la atai a tarai ana utna ning i hanot ana barsan ning a motla la solong tari, pa ana boroila otleng.

A Wakak a Warwara o e Iesu Karisito i tumusi 5:18

Ning e Iesu i kas ana mon, a barsan ning a motla la solong tari, i nunung e Iesu sur diar armuri.

A Wakak a Warwara o e Iesu Karisito i tumusi 5:4

Di sira dot naur a kuna pa naur a hana ana senla, ika i sira dat kutus ka a sen kusun naur a kuna, pa i sira sai siksiklik a sen miting na naur a hana. Pa bel tik ir amolmol pasi.

A Wakak a Warwara o e Iesu Karisito i tumusi 5:9

Pa e Iesu i dekeni mange, “Esi na risam?” I kelesi mang, “A risak a liur a mot, anasa mila galis kol.”

Luk 10:39

Pa e tasna hane a risana e Maria, i kes milau ting na naur a hana Leklek, pa i longor anuna na warwara.

Luk 8:27

Ning e Iesu i purum kusun a mon, ning a barsan miting na hanua ning, a motla la solongi, i han barati. Ka bongnani, bel i pipis ta kaen, pa bel i kes otleng ana ta rumai, i keskes ka ting na kulamla ngasa minatla.

Kolosi 1:13

I ka alaun pas dala kusun a rakrakai ana mormorom, pa ka ben kas pas dala uting na matanitu ane Natnalik ning i mang kol suri,

2 Timoti 1:7

Anasa e God bel i tabar dala ana ingun na matmataut. I tabar dala ana Talngan Tabu ning i saran a rakrakai tetek dala, pa a marmaris, pa a toltol ning taktakai i warkurai tostos pas anuna lalaun.