A Wakak a Warwara o e Iesu Karisito i tumusi 3:7 - Label

⁷ E Iesu taum ana nuna kakak a asaer la han utumo purum na puka tasi, pa a tnan kunum a tarai mitisa ana papar Galili la muri.

A Wakak a Warwara o e Iesu Karisito i tumusi 3:7 ပူးပေါင်းရင်းမြစ်များ

Matiu 10:23

Ning lar alaulau mulo ting na ta hanua, mulor liu uting on ta hanua masik. A atong momoli ta mulo, ning bel mulor han rop ot uting na hananuala te e Israel, a Nat a Barsan ir hanot.

Matiu 12:15

Ning e Iesu i tasmani mang la warwara taum sur lar umkoli, i han masik mitingia. A galis a tarai la muri, pa i alangolango pas la rop ning la sasam.

Matiu 12:16

Pa i atumarang la, sur gong la atai tar tik mang, i esi.

Matiu 4:25

Pa a tnan kunum a tarai mitisa na papar Galili pa miting na papar Dekapolis, pa misaot e Jerusalem, pa misaot na papar Judia pa mitumo na ris a malum Jodan la mur e Iesu.

A Wakak a Warwara o e Iesu Karisito i tumusi 1:39

Pa i han taltal ting na papar Galili rop. I warawai ting na rumai lotu anunla, pa i kepsen a motla kusun a taraila.

A Wakak a Warwara o e Iesu Karisito i tumusi 1:45

Ika ning i purum, i warwara taltal onoi tetek a taraila. Ana toltol ning, i asanan tar e Iesu, pa bel ma i tolsot sur ir hanot talapor ting na ta hanua. I taltal kama ting na hanua bel, maika a taraila miting na hanhanua la han ot teteki.

A Wakak a Warwara o e Iesu Karisito i tumusi 3:20

Lamur e Iesu i kas ting na rumai pa a tnan kunum a tarai kale la han teteki, pa e Iesu taum ana nuna kakak a asaerla bel la tolsot sur lar hangan.

A Wakak a Warwara o e Iesu Karisito i tumusi 4:1

E Iesu i tur ulak pas a asasaer tumokorot na puka tasi. Pa a tnan kunum a tarai la tur talilis pasi. Pa i kas uting na mon pa i kes sa na puka tasi. A tnan kunum a tarai rop la tur tumo korot na hang.

Luk 23:5

Ika la ngongos ka mang, “I akamtur a balan a tarai sur lar kutus a warkurai anuna matanitu, ana nuna asasaer ting na papar Judia rop. I turpasi saot e Galili pa i tuk te.”

Luk 6:12

Ning a pukakiar, e Iesu i han usaot na mangir sur ir nunung. A kidol a morom ning, i nunung tetek e God.

Luk 6:17

E Iesu pa anuna tarai a asasaer la han purum misaot na mangir, pa i tur ting na puka tostosna, taum ana nuna kunum a tarai a asasaer. A galis a tarai misaot na papar Judia pa e Jerusalem pa tagun a hananuala tumo latasi milau e Tair pa e Saidon otleng,

Jon 7:41

Dingla na tarai otleng la atongi mange, “Ai a Karisito.” Pa dingla otleng la atongi mange, “A Karisito bel ir hanot mitimo e Galili.

Jon 7:52

La kelesi ka mange, “Ge, u otleng mitimo e Galili? Ur asaer ana Buk Tabu pa ur mananos onoi mang a propet bel i hanot mitimo e Galili.”

Aposel 17:10

Ning i morom purum, la ning la tas ana tortorot la sune e Pol pa e Sailas uto e Beria. Ning dia ka hanot tingia, dia kas uting na rumai lotu anuna tarai Juda.

Aposel 17:14

Pa la ning la tas ana tortorot la sune kapit e Pol utumo latasi. Ika e Sailas dia ma e Timoti dia kes ot tumo e Beria.