A Wakak a Warwara o e Iesu Karisito i tumusi 2:18 - Label

¹⁸ A kakak a asaerla ane Jon taum ana Parisaiola la tamai. Dingla na tarai la han tetek e Iesu, pa la dekeni mang, “I mangasa ning a kakak a asaerla ane Jon taum ana kakak a asaer anuna Parisaiola, la tamai, ika anum na kakak a asaerla bel?”

A Wakak a Warwara o e Iesu Karisito i tumusi 2:18 ပူးပေါင်းရင်းမြစ်များ

Matiu 23:5

Anunla na titol rop, la toli ka, sur a tarai lar oroi la. Mulo sira akas tar a dingla na warwara na Buk Tabu ting na nanatar a boksla, pa mulo doti ting na patarimulola. Ika a Parisaiola, anunla na nanatar a boksla i palar kol. Pa mulo sira dot a kulola ting na sinir ana numulo a kaen a nunung. Ika a Parisaiola, anunla a kulola i barah kol.

Matiu 6:16

“Ning mulor tamai sur mulor nunung, gong mulo tai arlar ana tena asasongola, anasa la tai na bal maris sur a tarai lar oroi i mang la tamai. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 6:18

sur gong a tarai la tasmani mang u tamai. E Tamam ka, ning bel tik i oroi i, ir tasmani. Pa e Tamam ning i oroi asaning u tol kumnani, ir saran anuma arlou.

A Wakak a Warwara o e Iesu Karisito i tumusi 2:19

E Iesu i keles la mange, “Ning ta barsan ir taulai totoh, na halalna lar tamai mangmangasa ning a barsan ning kaning ot i kes taum onla? Ning kaning ot i kes taum onla, bel lar tamai.

Luk 18:12

A sira tamai naur a pukakiar ana ning a wik, pa sira saran taktakai miting na ning a bonot ana ututnala ning a sira tol otnan pasi.’

A Pas ane Pol tetek a tarai Rom 10:3

Bel la anatarna pas la nahai e God, sur ir atong la mang la tostos namatana, anasa bel la tasman a ngas ning e God i asangani sur tik ir tostos namatana, pa la tohi ka sur lar asangan la mang la tostos namatana.