A Wakak a Warwara o e Iesu Karisito i tumusi 2:16 - Label

¹⁶ Dingla na tena asaer tagun a warkurai, ning a Parisaiola, la oroi e Iesu ning i hangan pa a tarai laulaula pa a tena kibas totokomla. La deken anuna kakak a asaerla mang, “Sur asa ning i hangan taum ana tena los totokomla pa a tena laulaula?”

A Wakak a Warwara o e Iesu Karisito i tumusi 2:16 ပူးပေါင်းရင်းမြစ်များ

Matiu 18:17

Ning bel ir longor diau, ur apuasa i tetek a tarai a lotu. Ning bel ir longor otleng a tarai a lotu, i wakak sur ur oroi i arlar o esaning bel a tena tortorot, o arlar ana tena los totokom.

Matiu 5:46

Ning mulo mang sur la ka ning la mang sur mulo, asa ma anumulo a arlou? Na tena los totokom, ning bel la lasan ana marmaris la toli otleng larne, gepi?

Matiu 9:11

Ning a Parisaiola la oroi i, la deken anuna kakak a asaerla mang, “Sur asaning anumulo a tena asaer i hangan taum ana tena los totokomla pa tena laulaula?”

A Wakak a Warwara o e Iesu Karisito i tumusi 2:15

Lamur, ning e Iesu i kes ana utna na hangan ting na rumai ane Liwai, a galis a tena los totokom taum ana tena laulaula, la hangan taum o e Iesu pa kakak a asaerla anunai. Anasa galis a tarai la mur e Iesu.

A Wakak a Warwara o e Iesu Karisito i tumusi 2:7

“Sur asa a barsan ne i atongi larne? I atong saksakan e God anasa i arlari ono. Esi ir kepsen a toltol laulaula? E God ka.”

Luk 18:11

A Parisaio i tur pa i nunung ot mange, ‘God, a atong wakak tetek u anasa bel a arlar ana taraila rop, a tena kinkinaula, a tena tol orosla, pa taraila ning la tol a toltol laulau ana gurarala, pa bel a arlar otleng ana tena los totokom ne.

Luk 19:10

Anasa a Nat a Barsan i hanot sur ir tai sur la ning la rongo pa ir alaun pas la.”

Luk 19:7

Ning a tarai rop la oroi, la anani mang, “A barsan ne i han sur ir kes taum ana tena laulau ting na nuna rumai.”

Luk 5:30

Dingla na Parisaio pa anunla na tena asaerla tagun a warkurai, la lingir anuna na kakak a asaerla mange, “Sur asa ning mulo hangan pa mulo gang taum ana tena los totokomla pa a tena laulaula?”

Aposel 23:9

Pa la turpas a tnan arbalakut, pa dingla na Parisaiola, la ning a tena asaerla ana Warkuraila, la tur, pa la arlak kol, pa la atongi mange, “Bel mila pastek ta laulau a utna ning a barsan ne i rongo ono. Sakana ta mot, pa ta angelo kar awarwara tari.”

1 Korin 2:15

Esining a Talngan Tabu kane onoi, ir tasman lalan na ututnala rop ning i wakak o bel i wakak. Ika, bel tik ir tolsot pasi sur ir warkurai i.

Hibru 12:3

Mulor nuk pas e Iesu, esaning i kilang a mamahatla, ning a tena laulaula la toli onoi, sur gong mulo ngoro pa gong mulo manah ana tortorot.