A Wakak a Warwara o e Iesu Karisito i tumusi 11:25 - Label

^25-26 “Ning mulo nunung, pa mulo nuk pas ta utna ning tik i tol laulau tari o mulo, mulor nuk duman seni, sur e Tamamulo saot ana langit ir kepsen anumulo na toltol laulaula otleng.”

A Wakak a Warwara o e Iesu Karisito i tumusi 11:25 ပူးပေါင်းရင်းမြစ်များ

Matiu 5:23

“Ning ur han sur ur saran anuma artabar ting na logo na tun artabar, pa ur nuk pas ta utna ning e tasimlik i tiu u ono,

Matiu 6:12

Ur kepsen anumila na toltol laulaula, larning mila otleng milar nuk duman sen anunla na toltol laulaula tetek mila.

Matiu 6:5

“Ning mulor nunung, gong mulo arlar ana tena asasongola. La mang kol sur lar tur pa lar nunung ting na rumai lotu, pa ting na pukpuknala ning a tarai la hanan taum tingia, sur a tarai lar oroi la pa lar atong aitna pas la. A atong momoli ta mulo, ning a tarai la aitna pas la, i ot ning anunla a kidol a arlou.

Luk 18:11

A Parisaio i tur pa i nunung ot mange, ‘God, a atong wakak tetek u anasa bel a arlar ana taraila rop, a tena kinkinaula, a tena tol orosla, pa taraila ning la tol a toltol laulau ana gurarala, pa bel a arlar otleng ana tena los totokom ne.

Luk 18:13

Ika a tena los totokom i tur masik tar, bel i tadai usaot na langit, anasa i meme. I dapis ka a malwasna ana bal maris, pa i atongi mang, ‘God, ur maris iau, iau a tena tol a toltol laulau.’

Luk 6:37

“Gong mulo warkurai a toltol ana tik, pa bel otleng dir warkurai a toltol anumulo. Gong mulo arup tik, pa bel dir arup mulo. Mulor nuk duman sen a toltol laulaula ning a tarai la toli tetek mulo, pa dir kepsen anumulo na toltol laulau.

Epeses 4:32

Mulor tol a wakak tetek mulo pa mulor mang artalai sur mulo. Pa ning tik o mulo i tol a laulau tetek mulo, mulor nuk duman seni, arlar larning e God i toli tetek mulo o e Karisito.

Kolosi 3:13

Mulor malmaling artalai mulo. Pa ning ta halimulo i tol tar ta laulauna tetek mulo, gong mulo kelesi, mulor nuk duman sen anuna toltol laulau, larning a Leklek ka kepsen anumulo na toltol laulaula.

Jems 2:13

Anasa esining bel i lasan ana marmaris, ana pukakiar a warkurai e God otleng bel ir marisi. Ika esining ir lasan ana marmaris, e God ir marisi ana pukakiar a warkurai.

Tatatai 11:4

Naur a tena warwara talapor ne, dia naur a rakai a oliw pa naur a turtur a lam, ning dia tur namatana Leklek anuna rakrakan hanua.