A Wakak a Warwara o e Iesu Karisito i tumusi 11:14 - Label

¹⁴ Pa i atai a rakai a fig mange, “Turpasi ne pa lamur, bel tik ulak ma ir ien pas ta waim.” Pa anuna kakak a asaer la longor akes pas a warwara ning.

A Wakak a Warwara o e Iesu Karisito i tumusi 11:14 ပူးပေါင်းရင်းမြစ်များ

Matiu 21:19

I oroi pas a rakai a fig i tur tar ting na ris a ngas. I han milau i, ika bel i oroi al wana, a pakana rop ka. Pa i atongi tana rakai ning mang, “Turpasi anone pa lamur, bel ur wai ulak ma.” Ono otning, a rakai i marang.

Matiu 21:33

“Mulor longor ning a warwara larlar maleng ne: Ning a barsan i oman tar a barim a wain, pa i tol alar tari ana woroh. Tingui na tinine barim, i kel tar a tung sur dir pas miren a wain ono sur a polona ir hanot. Pa i tol tar a natar a rumai i tur kas sur ana tena tai alar. Lamur i saran tar kaba a barim tetek dingla na tena titol sur lar tai alari, pa i han uting na ning a hanua masik.

Matiu 21:44

Esi ning ir punga tar ana hat ne, ir tagingini, ika esining a hat ne ir punga tar ono, ir tamire arlar ana kubus.

Matiu 3:10

Di ka suah tar a hek ting na kama rakaila, pa rakaila rop ning bel la suah al wakak a wanala, dir ting sen la, pa dir minggen la uting na iah.

Matiu 7:19

A rakaila rop ning bel la suah a wakak a wanala, dir ting sen la, pa dir minggen la ting na iah.

A Wakak a Warwara o e Iesu Karisito i tumusi 11:13

I oroi a rakai a fig miting bakbak, i gomgomo wakak. Pa i han sur ir oroi, sur ta wana. Ning i hanot tingia, bel i oroi ta wana ono, a pakpakana oros ka, anasa belot i taun fig.

A Wakak a Warwara o e Iesu Karisito i tumusi 11:15

Ning la hanot saot e Jerusalem, e Iesu i kas ana ning a pukna miting na rumai a artabar, pa i kepsen purum la ning la sisiurai, pa la otleng ning la lolou tingia. I minggen lingir a logola anuna tena keles mani pa a keskes anunla ning la siuran a tabunla.

Jon 15:6

Ning tik bel i patap hok, i arlar ana raka rakai ning di minggen seni pa ir marang. Dir suah taum la, pa dir minggeni ting na iah, sur lar sot rop.

2 Pita 2:20

A taraila ning la ka alah kusun na dur a toltol mite na rakrakan hanua, anasa la ka tasman e Iesu Karisito, anundala a Leklek pa Tena Alaun, ika lamur la punga ana kun a toltol laulau, pa na laulau a toltol i dot akes ulak pas la, anunla na keskes lamur ir laulau kol tana anunla na keskes nating ning belot la tasman e Iesu Karisito.

Tatatai 22:11

Esining a tena tol a laulau dir madek seni ot suir tol a laulau, pa esining i dur, dir madek seni ot suir tol a dur a toltol, pa esining anuna toltol i tostos, dir madek seni ot suir tol a tostos a toltol, pa esi otleng ning i totoh, dir madek seni ot suir tol a totoh a toltol.”