Matiu 9:28 - Label

²⁸ Ning i kas ting na rumai, naur a kut dia han teteki, pa i deken diau mang, “I mangasa, mu tortorot ot hok sur ar tolsot pas a utna ne?” Dia kelesi mang, “Ma Leklek.”

Matiu 9:28 ပူးပေါင်းရင်းမြစ်များ

Matiu 13:1

Ana pukakiar ning, e Iesu i purum kusun a rumai pa i kes ting napir a puka tasi Galili.

Matiu 13:36

Lamur e Iesu i han kusun a kunum a tarai, pa i kas ting na rumai. Anuna kakak a asaerla la kas teteki pa la atai i mang, “Ur pak a kamkama a warwara larlar ne ta mila ana karapa ning i gomo ting na tinine barim.”

Matiu 13:58

Pa bel i tong a galis a utna na kulkulan tingia, anasa bel la tortorot ono.

Matiu 8:14

E Iesu i kas uting na rumai ane Pita, pa i oroi a hane, a anmuna e Pita, i sasam a palaona i laplapang, kaning i borbor ting na logo.

Matiu 8:2

Ning a barsan, a lepra, i han teteki, i kes ana bokona hana ting napirna, pa i atongi mang, “Leklek, ning u mang, ur tolsot sur ur alangolango pas iau.”

Matiu 9:22

E Iesu i talingir pa i oroi a hane ning, pa i atai mang, “Natuklik, gong u matmataut, anuma tortorot ka alangolango pas u.” Pa ono otning a hane ning i langolango.

Matiu 9:27

Ning e Iesu i han mitingia, naur a barsan, naur a kut, dia muri, dia arkabah rakrakai mang, “Nat e Dewit, ur maris miau.”

Matiu 9:29

Pa i tong naur a matan diau pa i atai diau mang, “Dir toli tetek mu arlar ana sa mu tortorot onoi.”

Jon 11:26

pa esining i laun pa i tortorot hok, bel ir mat. U tortorot ot ana warwara ne?”

Jon 11:40

E Iesu i atongi mange, “Mangasa, bel a atai nigon tar u mang, ning ur tortorot, ur oroi a matatar ane God?”

Aposel 14:9

I longor e Pol i warwara. Pa e Pol i ngosoni, pa i oroi mang a barsan ning i tortorot sur dir alangolango i.