Matiu 9:15 - Label

¹⁵ E Iesu i keles la mang, “Ning ta barsan ir taulai totoh, na halalna lar domos mangmangasa ning a barsan ning kaning ot i kes taum onla? Ika ta pukakiar ir hanot, ning dir ben maskan pas a barsan ning kusun la, pa lar bot tamai.

Matiu 9:15 ပူးပေါင်းရင်းမြစ်များ

Matiu 9:14

A kakak a asaerla ane Jon la han tetek e Iesu, pa la dekeni mang, “Sur asa ning mila ma na Parisaiola mila tamai, ika anuma kakak a asaerla bel?”

Matiu 9:16

“Bel tik ir suk ahat a dia tona kaen taum ana muarna ning i taksilir, sakana a dia tona kaen ir silir a muar a kaen, pa ir taksilir kol.

A Wakak a Warwara o e Iesu Karisito i tumusi 2:19

E Iesu i keles la mange, “Ning ta barsan ir taulai totoh, na halalna lar tamai mangmangasa ning a barsan ning kaning ot i kes taum onla? Ning kaning ot i kes taum onla, bel lar tamai.

A Wakak a Warwara o e Iesu Karisito i tumusi 2:20

Ika ta pukakiar ir hanot ning dir ben maskan pas a barsan ning kusun la, pa ana pukakiar ning lar bot tamai.

Luk 17:22

E Iesu i atai anuna kakak a asaerla, “A pukakiar ir hanot ning mulor mang sur mulor oroi ta pukakiar ana pukakiarla anuna Nat a Barsan, ika bel mulor oroi.

Luk 5:34

E Iesu i keles la mange, “Ning ta barsan ir taulai totoh, na halalna lar tamai mangmangasa ning a barsan ning kaning ot i kes taum onla?

Luk 5:35

Ika ta pukakiar ir hanot, ning dir ben maskan pas a barsan ning kusun la, pa ana pukakiar ning lar bot tamai.”

Jon 16:6

Mulo bal maris kol anasa a atai mulo ana warwarala ne.

Jon 3:29

A barsan ning i taulai ta hane, anunai ot a hane ning. A halin a barsan ning, ir harnanai pa ir longlongor suri. Ning ir longor a elngena barsan ning i taulai, ir gas kol. Onone anuka gasgas i arlar ana gasgas anuna halin a barsan ning i taulai, pa anuka gasgas i bot sot.

Aposel 14:23

Dia akes tar dingla na tarai sur lar ningnigo anuna tarai a lotu ana taktakai hanua. Dia nunung pa dia tamai, pa dia saran tar la tetek a Leklek, esining la tortorot ono.

1 Korin 7:5

Gong dia mangan alar a palaondiau kusun diau artalai. Ika, i wakak ka ning dia rop diar malmaling sur diar mangan alar kaba a palaondiau kusun diau artalai, sur diar nunung. Ika, lamur diar noren ulak a palaondiau tetek diau artalai, sur gong e Satan i alam tar diau, pa diar punga, anasa bel dia warkurai tostos a nundiau a lalaun.

2 Korin 11:27

A rakrakai pa a titol rakrakai. Pa galis a taem bel a tolsot sur ar borbor. A galis a taem a mos pa a murak. Pa dingla na taem a kapan sur a kaen pa a kilang a kotkoto.

Tatatai 19:9

Pa angelo i atai iau mang, “Ur tumusi larne: La ning di atai pas la sur a ngasa na tinaulai ana Nat a Sipsip, la angis!” Pa i atongi otleng mang, “Na warwara ne na momol a warwara ot ane God.”

Tatatai 21:2

Pa oroi a tona Jerusalem, a hanua ane God, i han purum misaot na langit kusun e God. Di ka sang tari larning di ka amermer wakak tar a hane sur anuna barsan sur diar taulai.