Matiu 9:13 - Label

¹³ Mulor han, pa mulor asaer sur mulor tastasim ana kamkama warwara ne miting na Buk Tabu, ‘A mang sur a marmaris, pa bel a mang sur a artabar ning di sira tuni.’ Hosea 6:6 Anasa bel a hanot sur ar kabah pas na tena tostos. A hanot sur ar kabah pas a tena laulaula.”

Matiu 9:13 ပူးပေါင်းရင်းမြစ်များ

Matiu 12:3

E Iesu i keles la mang, “I mangasa, belot mulo was asaning e Dewit i toli, ning i taum ana taraila ning la armuri la murak?

Matiu 12:5

I mangasa, belot mulo was a warwara miting na Buk a warkurai? I atongi mang, na tena artabar tetek e God la sira titol ting na rumai a artabar ana Pukakiar Sabat, ika bel la rongo ono.

Matiu 12:7

Ning ngandek mulo ka tasman a kamkam a warwara ne, ‘A mang sur a marmaris, pa bel a mang sur a artabar ning di sira tuni,’ Hosea 6:6 bel mulor tiu la ning bel la rongo.

Matiu 19:4

I keles la mang, “I mangasa, belot mulo was a warwara ting na Buk Tabu? I atongi larne: Ana kamkama a akakes, a Tena Akakes ‘i akes a tarai, sur lar barsan pa lar hane,’ Stat 1:27

Matiu 21:42

E Iesu i atai la mang, “I mangasa, belot mulo was a warwara ne ting na Buk Tabu? I atongi mang, ‘A hat ning na tena tol rumai la kepseni, i ot ning, a wakak a hat kes, ning di tol a rumai saot ono. A utna ne, a Leklek ot ka tol tari, pa i wakak kol ana numila a tatatai.’ Buk Song 118:22-23

Matiu 3:2

pa i atongi mang, “Mulor lingir a nuknukimulo, anasa a matanitu misaot na langit ka milau.”

Matiu 3:8

Ning mulo ka lingir momol a nuknukimulo, mulor tol a ututnala ning ir apuasa i mang mulo ka lingir a nuknukimulo.

Matiu 4:17

Turpasi ana rau ning, e Iesu i warawai mang, “Mulor lingir a nuknukimulo, anasa a matanitu misaot na langit ka milau.”

A Wakak a Warwara o e Iesu Karisito i tumusi 12:26

Ning mulo puai mang a minatla bel lar laun ulak kusun a minat, mangmangasa belot mulo was a Buk ane Moses ning i warwara ana rakai ning i sot? E God i atongi tetek e Moses mange, ‘Iau a God ane Abaram, a God ane Aisak pa a God ane Jekop.’ Kisim Bek 3:6

A Wakak a Warwara o e Iesu Karisito i tumusi 12:33

Dalar mang sur e God ana balandala rop, a nuknukindala rop, pa ana rakrakaindala rop, pa dalar maris a halalindala larning dala maris dala ot. Ning dalar mur naur a warkurai ne, i ngangaten kol ana artabarla ning dala sarani tetek e God, pa a artabarla ning di tun seni.”

A Wakak a Warwara o e Iesu Karisito i tumusi 2:17

Ning e Iesu i longori, i atai la, “A dokta bel i hanot sur la ning la langolango. I hanot sur la ka ning la sasam. Bel a hanot sur a tena tostosla. A hanot sur ar kabah pas a tena laulaula.”

Luk 10:26

Pa e Iesu i kelesi mang, “Asa ning di tumus tari ana Warkuraila? Pa asaning u nuki onoi?”

Luk 19:10

Anasa a Nat a Barsan i hanot sur ir tai sur la ning la rongo pa ir alaun pas la.”

Luk 24:47

pa dir warawai ana risana tetek a taraila miting na matanitu rop, turpasi saot e Jerusalem. Dir warawai tetek la mang lar lingir a nuknukinla pa e God ir kepsen anunla na toltol laulau.

Luk 5:31

E Iesu i keles la mange, “A dokta bel i hanot sur la ning la langolango. I hanot sur la ka ning la sasam.

Luk 5:32

Bel a hanot sur a tena tostosla. A hanot sur ar kabah pas a tena laulaula sur lar lingir a nuknukinla.”

Jon 10:34

E Iesu i atai la mange, “Mulo tasmani ot mang di ka tumus tari ana numulo na Warkuraila mang e God i atongi mang ‘Mulo a godla’. Buk Song 82:6

Aposel 11:18

Ning la longor a warwara ne, la tuk ana warwara, pa la atong leklek e God mange, “E God ka tol tar a ngas sur la ning bel a tarai Juda lar lingir a nuknukinla pa lar laun.”

Aposel 2:38

E Pita i keles la mang, “Mulo rop taktakai mulor lingir a nuknukim mulo, pa dir baptais mulo ana risana e Iesu Karisito, sur dir kepsen anumulo na toltol laulaula, pa mulor kibas a Talngan Tabu.

Aposel 20:21

A warawai tetek a taraila rop, a tarai Juda taum ana tarai masik otleng, sur lar lingir a nuknukinla tetek e God pa lar tortorot ana nundala Leklek e Iesu.

Aposel 3:19

Mulor lingir a nuknukim mulo, pa mulor han tetek e God, sur ir kepsen anumulo na toltol laulaula.

Aposel 5:31

I ot ning e God i aleklek pasi pa i akesi ting na sot a kuna, sur i a Ningnigo pa a Tena Alaun, pa ir tol a ngas sur a tarai Israel lar lingir a nuknukinla, pa dir kepsen anunla na toltol laulaula.

2 Pita 3:9

A Leklek bel i wowon sur ir tolsot pas anuna lele mang ir ulak, larning dingla na tarai la nuki. I kes nanan pas mulo, anasa bel i mang sur tik ir hirua. I mang sur a taraila rop lar lingir a nuknukinla.