Matiu 7:19 - Label

¹⁹ A rakaila rop ning bel la suah a wakak a wanala, dir ting sen la, pa dir minggen la ting na iah.

Matiu 7:19 ပူးပေါင်းရင်းမြစ်များ

Matiu 3:10

Di ka suah tar a hek ting na kama rakaila, pa rakaila rop ning bel la suah al wakak a wanala, dir ting sen la, pa dir minggen la uting na iah.

Matiu 7:18

A wakak a rakai bel ir suah ta laulau a wana, pa a laulau a rakai otleng bel ir suah ta wakak a wana.

Luk 3:9

Di ka suah tar a hek ting na kama rakaila, pa rakaila rop ning bel la suah al wakak a wanala, dir ting sen la, pa dir minggen la uting na iah.”

Taitus 3:14

Anundala a tarai lar asaer sur lar saran momol tar a lalaun anunla ana wakak a titol, sur anunla a lalaun ir suah a wakak a wana pa lar nangan a kapan a tarai.

Hibru 6:8

Ika a kabalapiu ning i saran ka a suksukla pa rosrosla bel ta utna i to pasi ono. Bel i bongnani pa e God ir saran a warkurai a arkeles teteki pa lamur ir tun seni ting na iah.

A Pas ane Jut 1:12

A tarai ning, la arlar ana dur a utna, ning la kes taum o mulo ting na utna na hangan. La tabar masur pas la ot, pa bel la hanrawai a tarai masik. La arlar ana kokok a bakut ning a wuwu i wus taltali, pa kiar bel i punga. La arlar otleng ona rakaila ning bel la wai ana kalang a wai, la ka mat. Di ka gat sen la, pa ine a munaur a minatinla.