Matiu 6:9 - Label

⁹ “Mulor nunung larne, ‘Tamamila saot na langit, i wakak ning dir hanrawai a risam.

Matiu 6:9 ပူးပေါင်းရင်းမြစ်များ

Matiu 10:29

Di sira lou naur a tek ana toia ka, gepi? Ika bel ta halindiau ir hirua, ning a Tamamulo bel i malmaling ono.

Matiu 23:9

Pa gong mulo atong tik mite lapiu a tamamulo, anasa takai a Tamamulo sot ka, ning i kes saot na langit.

Matiu 26:29

A atongi ta mulo mang, bel ar gang ulak al wain, tuk ning dalar gang a tona wain saot na matanitu ane Tata.”

Matiu 26:42

Munaur a tinan ulak i han kusun ditol, pa i nunung mang, “Tata, ning bel i sot sur ur kibas sen a kap a mamahat ne kusun iau, i wakak ka sur ar kilangi. Ar muri ot a nuknukim.”

Matiu 5:16

Larotleng ning, anumulo a talapor ir apuasa i namatan a tarai, sur lar oroi anumulo a wakak a titolla, pa lar atong aitna pas e Tamamulo ning i kes saot na langit.

Matiu 5:48

Mulor tostos momol, arlar ana Tamamulo ning i kes saot na langit, i tostos momol.

Matiu 6:14

“Ning mulor nuk duman sen na toltol laulaula ning a tarai la toli tetek mulo, e Tamamulo, ning i kes saot na langit, ir kepsen anumulo na toltol laulaula otleng.

Matiu 6:6

Ika u, ning ur nunung, ur kas ting na num a rumai pa ur tagar alar pas u, pa ur nunung tetek e Tamam ning bel tik i oroi i. Pa e Tamam ning i oroi asaning u tol kumnani, ir saran anuma arlou.

Matiu 7:11

Mulo na laulau a tarai, ika mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit ir saran a wakak a ututnala tetek esining ir nunungi.

Luk 15:18

Onone ar kamtur pa ar han ulak tetek e tata. Ar atai i mange, “Tata, ia ka tol tar a toltol laulau tetek e God pa tetek u otleng.

Luk 15:21

Pa e natnalik i atai i mang, ‘Tata, ia ka tol tar a toltol laulau tetek e God pa tetek u otleng. Bel a wakak sur ur atong iau e natumlik.’

Luk 2:14

“Dalar atong leklek a risana e God tisaot kol, pa bal molmol ana rakrakan hanua rop tetek la ning i gas onla.”

Jon 20:17

E Iesu i atai i mange, “Gong u tong a palaok, anasa belot a han kas usaot tetek e Tata. Ika ur han tetek na tastasikla, pa ur atai la mang, ar han usaot tetek e Tata pa e Tamamulo, tetek anuka God pa anumulo a God.”

A Pas ane Pol tetek a tarai Rom 1:7

A tumus a pas ne tetek mulo rop ting e Rom, ning e God i maris mulo pa i kabah pas mulo sur mulo anuna taraila. A marmaris pa bal molmol tetek mulo ta e God a Tamandala pa tana Leklek e Iesu Karisito.

A Pas ane Pol tetek a tarai Rom 8:15

Anasa a Talngan Tabu ning mulo kibasi, bel ulak ma sur mulo na tena titol oros ana matmataut. A Talngan Tabu ning mulo kibasi sur mulo na natnat e God, ning i ras pas mulo. Pa ana rakrakai ane God dala sira atongi mang, “Aba, Tata.”

Galesia 1:1

Iau e Pol, a aposel, a tumus a pas ne tetek mulo. Bel ta barsan mite lapiu i aslang pas iau, pa bel otleng a tarai la sune iau sur ar aposel. E Iesu Karisito ot pa e God e Tamana, dia aslang pas iau. E God, esaning i akamtur ulak pas e Iesu kusun a minat.

Galesia 4:6

Mulo na natnat e God ot. Ine a kamkamna ning i saran a Talngan Tabu, a Inguna e Natnalik, sur ir kes ting na balamulo, pa i arkabah tetek e God mange, “Aba! Tata!”

1 Timoti 6:16

Anunai ka a lalaun tikin, pa i kes ana tnan talapor ning bel tik ir han milau. Belot tik i oroi tari pa bel tik ir oroi lar pasi. Dir saran tar a tnan hanrawai teteki, pa i tong akes a tnan rakrakai ning ir kes tikin. Amen.

1 Pita 1:17

Mulo sira atong Tamamulo o e God. Pa i wakak ning mulor laun taum ana matmataut namatana, ana numulo a keskes a wasira te lapiu, anasa ir warkurai a taraila rop, ana ututnala rop ning la ka tol tari, pa bel ir purpurngis.

Tatatai 4:11

“Anumila a Leklek pa anumila a God, i tostos kol sur dir aitna pas u pa dir hanrawai u, pa i tostos kol ning ur tong akes a rakrakai, anasa u, u akes a ututnala rop. U akes la ana nuknukim ot, pa la laun ka hom.”

Tatatai 5:12

La saksak ana tnan elngenla larne, “I tostos kol sur a Nat a Sipsip ning di um kol tari ir tong akes a warkurai, a galis a gongon, a tastasmai pa rakrakai. Pa i tostos kol ning dir hanrawai i, dir aitna pasi pa dir atong aleklek pasi!”