Matiu 6:16 - Label

¹⁶ “Ning mulor tamai sur mulor nunung, gong mulo tai arlar ana tena asasongola, anasa la tai na bal maris sur a tarai lar oroi i mang la tamai. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 6:16 ပူးပေါင်းရင်းမြစ်များ

Matiu 6:1

“Mulor tumarang mulo sur gong mulo tol anumulo a wakak a titol na matan a tarai ka, sur lar oroi i pa lar atong aitna pas mulo. Ning mulo toli larne, bel ta arlou anumulo tana Tamamulo ning i kes saot na langit.

Matiu 6:2

Pa ur tabar a kapan a taraila, gong u warwara nigo sur a tarai lar oroi u. A tarai ning bel la artabar ana momol a balanla, la sira warwara nigo ana anunla a artabar ting na rumai lotula pa ting na ngasla otleng, sur a tarai lar atong aitna pas la ono. Gong mulo toli arlar onla. A atong momoli ta mulo, ning a tarai la aitna pas la, i ot ning anunla a kidol a arlou.

Matiu 6:5

“Ning mulor nunung, gong mulo arlar ana tena asasongola. La mang kol sur lar tur pa lar nunung ting na rumai lotu, pa ting na pukpuknala ning a tarai la hanan taum tingia, sur a tarai lar oroi la pa lar atong aitna pas la. A atong momoli ta mulo, ning a tarai la aitna pas la, i ot ning anunla a kidol a arlou.

A Wakak a Warwara o e Iesu Karisito i tumusi 2:18

A kakak a asaerla ane Jon taum ana Parisaiola la tamai. Dingla na tarai la han tetek e Iesu, pa la dekeni mang, “I mangasa ning a kakak a asaerla ane Jon taum ana kakak a asaer anuna Parisaiola, la tamai, ika anum na kakak a asaerla bel?”

Luk 18:12

A sira tamai naur a pukakiar ana ning a wik, pa sira saran taktakai miting na ning a bonot ana ututnala ning a sira tol otnan pasi.’

Aposel 10:30

Pa e Konilius i kelesi mange, “Ka diat a pukakiar alar tar anuka nunung ting na nuka rumai ana matana kamis larne, ona natola matana kamis ana rah. A oroi ning a barsan i mermer ana kaen ning i pilpil, i hanot kulkulan pa i tur salanigo tak,

Aposel 14:23

Dia akes tar dingla na tarai sur lar ningnigo anuna tarai a lotu ana taktakai hanua. Dia nunung pa dia tamai, pa dia saran tar la tetek a Leklek, esining la tortorot ono.

1 Korin 7:5

Gong dia mangan alar a palaondiau kusun diau artalai. Ika, i wakak ka ning dia rop diar malmaling sur diar mangan alar kaba a palaondiau kusun diau artalai, sur diar nunung. Ika, lamur diar noren ulak a palaondiau tetek diau artalai, sur gong e Satan i alam tar diau, pa diar punga, anasa bel dia warkurai tostos a nundiau a lalaun.

2 Korin 11:27

A rakrakai pa a titol rakrakai. Pa galis a taem bel a tolsot sur ar borbor. A galis a taem a mos pa a murak. Pa dingla na taem a kapan sur a kaen pa a kilang a kotkoto.

2 Korin 6:5

Di miras mila pa di akas mila tingui na rumai a dodot. Di balakut tetek mila pa di lu mila. Mila titol rakrakai, bel mila sira borbor ana moromla, pa mila murak.