Matiu 5:7 - Label

⁷ La ning na tena marmaris, la angis, anasa e God ir maris la otleng.

Matiu 5:7 ပူးပေါင်းရင်းမြစ်များ

A Wakak a Warwara o e Iesu Karisito i tumusi 11:25

“Ning mulo nunung, pa mulo nuk pas ta utna ning tik i tol laulau tari o mulo, mulor nuk duman seni, sur e Tamamulo saot ana langit ir kepsen anumulo na toltol laulaula otleng.”

Luk 6:35

Ika mulor mang sur anumulo na hirua, pa mulor tol a wakakna tetek la. Pa ning a tarai lar mang sur lar kibas pas ta utna kaba ta mulo, mulor sarani ka tanla, pa gong mulo mang sur lar kelesi. Ning mulor toli larning, anumulo a arlou ir itna kol, pa mulo a natnat e God i Leklek Kol, anasa i mang sur la ning bel la sira atong wakak teteki, pa a tena laulaula otleng.

A Pas ane Pol tetek a tarai Rom 11:30

Nating, bel mulo sira longor tetek e God. Ika ning a tarai Israel bel la longor teteki, e God i maris mulo male.

1 Korin 7:25

Bel a kibas ta warkurai tana Leklek onla ning bel la taulai. Ika ar atai mulo ana nuknukik. Iau a ngas a barsan ning a taraila la tortorot hok, anasa a Leklek i maris kol iau.

2 Korin 4:1

E God i maris mila pa i saran tar a titol ne tetek mila. I maining bel milar manah kusuni.

Epeses 4:32

Mulor tol a wakak tetek mulo pa mulor mang artalai sur mulo. Pa ning tik o mulo i tol a laulau tetek mulo, mulor nuk duman seni, arlar larning e God i toli tetek mulo o e Karisito.

Kolosi 3:12

Mulo na totoh a tarai ane God, ning i maris mulo, pa i aslang pas mulo. I maining i wakak sur mulor mermer taum ana toltolla ne: mulor nangan a taraila, mulor tol a wakakna tetek la, mulor anatarna pas mulo, mulor kes a bal molmol pa mulor asangan a molmol na toltol.

1 Timoti 1:13

Nating a sira atong laulau e Iesu, a alaulau a taraila ning la tortorot pa a akadik la. Ika e God i maris iau, anasa bel a tasman a utna ning a toli, pa belot a tortorot.

1 Timoti 1:16

Ika e God i maris iau, sur e Karisito Iesu ir asangan anuna wowon a toltol tetek iau, ning i alaun pas iau pa i kepsen anuka toltol laulaula. Pa i tol a toltol ne hok, sur a taraila otleng lar oroi pa lar tortorot ono, pa lar kibas a lalaun tikin.

Hibru 4:16

I maining dalar han tetek e God, anundala King, a tena marmaris, pa gong dala matmataut. Dalar han teteki sur dalar tong akes anuna marmaris, ning ir nangan dala ana nundala na mamahat.

Hibru 6:10

E God bel i sira tol ta utna ning bel i tostos. Bel ir duman sen pas anumulo a titol pa anumulo na marmaris ning mulo toli teteki, ning mulo ka nangan tar anuna tarai, pa kaning ot mulo toli.

Jems 2:13

Anasa esining bel i lasan ana marmaris, ana pukakiar a warkurai e God otleng bel ir marisi. Ika esining ir lasan ana marmaris, e God ir marisi ana pukakiar a warkurai.

Jems 3:17

Ika esining i tong akes a mananos misaot na langit, a ningnigo na utna anuna lalaun ir totoh. Pa ir tena bal molmol otleng, pa ir sira nuk pas a tarai masik, pa ir sira longor, ir bukus ana marmaris, pa ir suah a wakak a wana ting na nuna lalaun, bel ir purpurngis, pa bel ta asasongo ting na nuna lalaun.

1 Pita 2:10

Nating bel mulo na tarai ane God, ika onone mulo anuna tarai. Nating bel mulo kibas a marmaris ane God, ika onone mulo ka kibasi.