Matiu 5:5 - Label

⁵ La ning la anatarna pas la, la angis, anasa lar los pas a rakrakan hanua sur anunla.

Matiu 5:5 ပူးပေါင်းရင်းမြစ်များ

Matiu 11:29

Mulor los anuka ikep, pa mulor noren iau ar asaer mulo, anasa a magirak i wowowon pa sira anatarna pas iau, pa ingumulo ir manah.

Matiu 21:5

“Mulor atai a tarai Saion mang, ‘Oroi i, anumulo a king anone i hanot tetek mulo, i anatarna pasi, pa i kas ana dongki, a barman a dongki.’” Sekaraia 9:9

A Pas ane Pol tetek a tarai Rom 4:13

E God i lele tar e Abaram mang ir saran tar a rakrakan hanua tana pa tetek na tumtubunala otleng. A lele ne e God i tol tari tetek e Abaram bel i kamna ning i mur a Warkuraila. I kamna anasa i tortorot, pa e God i atongi mang i tostos namatana.

Galesia 5:23

a hanrawai, a toltol ning tik ir warkurai tostos anuna lalaun. Bel ta warkurai ir sairas a toltolla ne.

Epeses 4:2

Mulor anatarna pas mulo, pa mulor kes na molmol. Mulor asangan a longoroi a toltol, pa mulor mang artalai sur mulo, pa gong mulo keles a toltol anuna tik.

Kolosi 3:12

Mulo na totoh a tarai ane God, ning i maris mulo, pa i aslang pas mulo. I maining i wakak sur mulor mermer taum ana toltolla ne: mulor nangan a taraila, mulor tol a wakakna tetek la, mulor anatarna pas mulo, mulor kes a bal molmol pa mulor asangan a molmol na toltol.

1 Timoti 6:11

Ika, u Timoti, a barsan ane God, ur han masik kusun a ututnala ne. Ur rakrakai sur ur mur a tostos a toltol, a toltol ning e God i mang suri, a tortorot momol, a marmaris, a tuntunur rakrakai pa a molmol a toltol.

2 Timoti 2:25

La ning bel la mang sur anuna asasaer, ir atostos la ana molmol, sakana e God ir atalapor a matanla sur lar lingir a nuknukinla, pa lar tasman a momol a asasaer,

Taitus 3:2

Gong la anan tik, lar kes ana bal molmol, lar tol a wakak a toltol tetek a tarai, pa lar anatarna la tetek a tarai rop.

Jems 1:21

Mulor manah kusun a dur a toltol pa na toltol laulau ning kane i bukus te na rakrakan hanua. Pa mulor anatarna pas mulo ning mulo kibas a warwara ning di ka oman tari ting na balamulo, a warwara ane God ning ir alaun lar pas mulo.

Jems 3:13

Esi na halimulo i mananos, pa i tastasmai? I wakak ning ir apuasa i ting na nuna wakak a lalaun, ana wakak a titolla, ana toltol ning i anatarna pasi ot. A toltol ning i hanot miting na tastasmai momol.

1 Pita 3:15

Ika, ting na numulo a lalaun, mulor tong akes e Karisito sur a Leklek anumulo. Na pukakiar rop mulor kes na sang sur mulor keles tik ning ir kabah mulo mang asa a kamna ning mulo harnanai ana tortorot. Pa ning mulo kelesi, mulor kelesi ana wakak a toltol pa hanrawai.

1 Pita 3:4

Anumulo a mermer momol ning bel ir rop, ir hanot ting na balamulo, larne a wowon a toltol pa keskes na molmol. A utna ne, i itna kol namatana e God.