Matiu 5:48 - Label

⁴⁸ Mulor tostos momol, arlar ana Tamamulo ning i kes saot na langit, i tostos momol.

Matiu 5:48 ပူးပေါင်းရင်းမြစ်များ

Matiu 5:16

Larotleng ning, anumulo a talapor ir apuasa i namatan a tarai, sur lar oroi anumulo a wakak a titolla, pa lar atong aitna pas e Tamamulo ning i kes saot na langit.

Matiu 5:45

Ning mulor toli larning, ir asangani mang mulo na natnat e Tamamulo, ning i kes saot na langit. Anasa i saran tar a kamis sur ir talapor ana laulau a tarai pa wakak a taraila otleng, pa i saran tar a kiar tetek na tena tostos pa tetek la otleng ning bel la tostos.

Matiu 5:47

Ning mulo gas pas ka sur na halalalimulo, mulor wakak kol tan a tarai masikla mangmangasa? A tarai otleng ning bel la tortorot la gasgas pas ka sur na halalalinla, gepi?

Luk 6:36

Mulor asangan a marmaris, arlar ana Tamamulo a tena marmaris.

Luk 6:40

A kaklik a asaer bel i itna tana nuna tena asaer. Ika esining ka arop pas anuna asasaer, ir arlar ana nuna tena asaer.

2 Korin 13:11

Anuk a ararop a warwara ne: Na tastasimila, mulor gas! Mulor atostos mulo, mulor mur anuk a warwara, ir takai ka a nuknukimulo, pa mulor kes na molmol artalai. Pa e God ning i sira saran a marmaris pa a bal molmol ir kes taum omulo.

2 Korin 13:9

Ning mulo rakrakai pa mila bel mila rakrakai, mila gas ka. Pa mila nunung sur mulor tostos ana numulo a tortorot.

2 Korin 7:1

Na halalik, e God ka saran tar a lelela ne tetek dala, i maining dalar atotoh pas dala kusun a ututnala rop ning i adur a palaondala pa a ingundala. Pa dalar totoh arlar ana taraila ane God, anasa dala sira hanrawai teteki.

Epeses 3:1

I maining, iau e Pol, a nunung sur mulo. A kes ting na rumai a dodot anasa a titol ana titol ane Karisito Iesu tetek mulo ning bel na tarai Juda.

Kolosi 1:28

Mila warawai o e Karisito tetek a taraila rop. Mila atumarang la pa mila asaer la ana tastasman rop, sur milar saran tar la rop tetek e God, pa lar tostos rop, anasa la kaning o e Karisito.

Kolosi 4:12

E Epapras, i ning a halimulo, pa a tena titol ane Karisito Iesu, i saran anuna marmaris tetek mulo. I sira nunung rakrakai o mulo, sur mulor tur rakrakai, pa mulor rakrakai ana lalaun anumulo o e Karisito, pa mulor tasman a nuknuk rop ane God.

Jems 1:4

Ning mulor tur rakrakai, anumolo na lalaun rop ir tostos, pa bel mulor kapan sur ta utna na ingun.

1 Jon 3:3

Esining i harnanai ana tortorot sur e Karisito ir ulak, i atotohi larning e Karisito i totoh.