Matiu 4:13 - Label

¹³ Pa i han mitumo e Nasaret, i kes tingia e Kapernaum, a hanua ning i kes ting na hang napir a puka tasi Galili, ana piu anuna mangis a tarai Sebulon pa mangis a tarai Naptali,

Matiu 4:13 ပူးပေါင်းရင်းမြစ်များ

Matiu 11:23

Pa mulo otleng a tarai Kapernaum, mangmangasa, mulo nuki mang dir aleklek pas mulo usaot? Bel! Dir minggen purum mulo uting na tnan iah. Ngandek ning di kar tol tar a ututnala na kulkulan tetek a tarai Sodom, arlar larning di ka tol tari tetek mulo, e Sodom kanet.

Matiu 17:24

E Iesu pa anun na kakak a asaerla la hanot tumo e Kapernaum, pa la ning la sira los totokom ana rumai a artabar, la han tetek e Pita pa la dekeni mang, “Anumulo a tena asaer i sira saran a totokom ana rumai a artabar o bel?”

Matiu 4:14

sur ir tolsot pas a warwara ane God ning a propet Aisaia ka warwara nigo tar onoi mang,

Matiu 4:15

“A piu anuna mangis a tarai Sebulon pa a piu anuna mangis a tarai Naptali, milau a ngas ning i han utumo latasi, ana ris a malum Jodan utumo, dia kes ting na papar Galili, ning a tarai ning bel a tarai Juda la kes ia.

Matiu 9:1

E Iesu i kas ana mon, pa i han lakai utumo na ning a ris a puka tasi pa i hanot ting na anuna hanua.

A Wakak a Warwara o e Iesu Karisito i tumusi 1:21

Pa la han utumo e Kapernaum, pa ana Pukakiar Sabat, e Iesu i kas uting na rumai lotu, pa i asaer la.

A Wakak a Warwara o e Iesu Karisito i tumusi 2:1

Dingla na pukakiar i rop, e Iesu i han ulak utumo e Kapernaum. A tarai la longori mang ika hanot tar ting na rumai,

Luk 10:15

Pa mulo otleng a tarai Kapernaum, mangmangasa, mulo nuki mang dir aleklek pas mulo usaot? Bel! Dir minggen purum mulo uting na tnan iah.”

Luk 4:23

Pa i atai la mang, “Sakana mulor atong a ngas a warwarala ne hok: ‘Dokta, ur alangolango pas u ot! A ututnala ning mila longori mang u ka tol tari to e Kapernaum, i wakak ning ur toli otleng te na num a hanua.’”

Jon 2:12

Lamur ana ngasa, i han utumo e Kapernaum taum o e tana pa na tastasnala pa anuna kakak a asaerla. La kes pas dingla na pukakiar ot tingia.

Jon 4:46

E Iesu i ulak utumo e Kana ana papar Galili, a hanua ning i keles tar a malum sur ir wain. Ning a ningnigo anuna matanitu, e natna barsan i sasam tumo e Kapernaum.

Jon 6:17

La kas ana mon, pa la turpas a lakai a puka tasi sur e Kapernaum. Ka morom, pa e Iesu belot i hanot tetek la.

Jon 6:24

Ning a kunum a tarai la oroi mang e Iesu taum ana nuna kakak a asaerla bel la kes tingia, la kas ana monla, pa la han utumo e Kapernaum sur lar tai sur e Iesu.

Jon 6:59

E Iesu i atong a warwarala ne, ning i asaer a taraila ting na rumai lotu tumo e Kapernaum.