Matiu 3:14 - Label

¹⁴ E Jon i mang sur ir sairasi, pa i atongi tana mang, “I mangasa ning u han tetek iau sur ar baptais u? Ir wakak ning u ur baptais iau.”

Matiu 3:14 ပူးပေါင်းရင်းမြစ်များ

Matiu 3:13

E Iesu i han mitumo na papar Galili uting na malum Jodan tetek e Jon sur ir baptaisi.

Matiu 3:15

Pa e Iesu i kelesi mang, “Ur baptais iau ka. I wakak ning ur toli, sur dar tolsot pas asa rop ning i tostos namatana e God.” Pa e Jon i longor tana.

Luk 1:43

Iau esi na ngas a hane ne ning e tana Leklek anuki ir han tetek iau?

Jon 1:16

I bukus ana marmaris, pa ana nuna tnan marmaris, i sira angisngis dala taum ana galis a wakak a utna.

A Pas ane Pol tetek a tarai Rom 1:13

Na tastasikla, a mang sur mulor tasmani mang, a galis a taem, a mang sur ar oroi mulo, sur ar nangan mulo par oroi a wana nuka titol ting na numulo a lalaun, larning a oroi ting na lalaun ana maskan a tarai, ning la otleng bel na tarai Juda. Ika, tuk onone, bel a han lar pas.

A Pas ane Pol tetek a tarai Rom 3:23

Anasa a taraila rop la ka tol tar a toltol laulau, pa la ka kes bakbak kusun a matatar ane God.

A Pas ane Pol tetek a tarai Rom 3:25

E God i saran tar e Natnalik, sur ir mat pa a sulukna ir kepsen a toltol laulaula anuna taraila rop ning la tortorot onoi. Pa a sulukna ir arop sen a balakut ane God ning nating kaning onla. I toli larne sur ir asangan anuna tostos a toltol. Nating e God i noren tar ka toltol laulaula anuna tarai, pa bel i warkurai la onoi, anasa i wowon taum onla.

Galesia 3:22

Ika a Buk Tabu i atong puasai mang, a taraila rop te na rakrakan hanua la kes ana dodot ana nunla toltol laulau. Manglarning, la ka ning la tortorot o e Iesu Karisito lar kibas pas a artabar ning e God i lele tar onoi.

Galesia 4:6

Mulo na natnat e God ot. Ine a kamkamna ning i saran a Talngan Tabu, a Inguna e Natnalik, sur ir kes ting na balamulo, pa i arkabah tetek e God mange, “Aba! Tata!”

Hibru 7:23

A galis a tena artabar, anasa a minat i sairas la sur gong la titol tikin.