Matiu 28:10 - Label

¹⁰ Pa e Iesu i atai diau mang, “Gong mu matmataut. Mur han pa mur atai a tastasikla, sur lar han utumo e Galili, pa lar oroi iau tumo.”

Matiu 28:10 ပူးပေါင်းရင်းမြစ်များ

Matiu 14:27

Ono otning e Iesu i atai la mang, “Mulor kosom, iau ka ne. Gong mulo matmataut.”

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’

Matiu 25:45

“Ir keles la mang, ‘A atong momoli ta mulo, asaning bel mulo tol tari tetek ta barsan oros ka, bel mulo toli hok.’

Matiu 26:32

Ika ning ia ka kamtur ulak kusun a minat, ar nigo utumo e Galili.”

Matiu 28:16

Ning a bonot pa pisir takai a kakak a asaer ane Iesu la han utumo e Galili ting na mangir ning e Iesu ka atai tar la sur lar han tingia.

Matiu 28:5

A angelo i atai naur a hane ning mang, “Gong mu matmataut. A tasmani mang, mu tai sur e Iesu, ning di sai ahat tari saot na rakai kutus.

Matiu 28:7

Lamur mur han kapit, pa mur atai anuna kakak a asaerla mang, ‘I ka kamtur ulak kusun a minat. Onone ir nigo utumo e Galili. Mulor oroi i tumo.’ Oroi, ia ka atai mu onoi.”

Matiu 28:9

Ono otning e Iesu i hanot kulkulan tetek diau. Pa i atai diau mang, “Wakak a kobot tamu.” Dia han teteki, dia tong naur a hana pa dia lotu teteki.

A Wakak a Warwara o e Iesu Karisito i tumusi 16:7

Mutol han, mutol ar atai anuna na kakak a asaerla pa e Pita otleng mange, ‘E Iesu ir nigo utumo e Galili. Mulor oroi tumo, lar ot ning ka atai nigon tar mulo.’”

Jon 20:17

E Iesu i atai i mange, “Gong u tong a palaok, anasa belot a han kas usaot tetek e Tata. Ika ur han tetek na tastasikla, pa ur atai la mang, ar han usaot tetek e Tata pa e Tamamulo, tetek anuka God pa anumulo a God.”

Jon 6:20

Ika e Iesu i atai la mange, “Gong mulo matmataut, iau ka ne.”

A Pas ane Pol tetek a tarai Rom 8:29

Lanigo ot e God ka tasman tar la ning anuna tarai. Pa ka aslang pas la otleng nating ot, sur lar hanot arlar o e Natnalik, sur i a ningnigo tana galis a tastasnala.