Matiu 27:42 - Label

⁴² “I alaun pas a tarai masik, ika bel ir tolsot sur ir alaun pasi. Ning i a King anuna tarai Israel, ono otne ir purum kusun a rakai kutus pa dalar tortorot ono.

Matiu 27:42 ပူးပေါင်းရင်းမြစ်များ

Matiu 2:2

Pa la deke mang, “Kanaha a kaklik ning di agoni, sur ir king anuna tarai Juda? Anasa mila oroi anuna nangnang ting na pukna ning a kamis i pusa ot ia, pa ine mila han ute sur milar lotu teteki.”

Matiu 27:37

Saot na pukul e Iesu ting na rakai kutus, la suah tar a warwara na artitiu ono, di tumus tari mang, “ine e iesu, a king anun a tarai juda.”

Matiu 27:40

Pa la atongi mang, “U ma ning u atongi mang ur regen sen a rumai a artabar pa ur tol ulak pasi ana natol a pukakiar ka, anone ur alaun pas u ot. Ning u a Nat e God, ur purum kusun a rakai kutus.”

Matiu 27:41

Arlar ka otleng tetek a leklek a tena artabarla tetek e God pa tena asaerla tagun a warkurai pa a ningnigola, la morot laulau o e Iesu, la atongi mang,

A Wakak a Warwara o e Iesu Karisito i tumusi 15:31

A leklek a tena artabarla tetek e God taum ana tena asaerla tagun a warkurai la otleng la morot o e Iesu. La awara artalai tanla mange, “I alaun pas a taraila masik, ika i ot bel ir alaun lar pasi.

A Wakak a Warwara o e Iesu Karisito i tumusi 15:32

Ning i a Karisito, a King anuna tarai Israel, ono otne ir purum kusun a rakai kutus, sur dalar oroi, pa dalar tortorot onoi.” Pa diau otleng, ning di sai ahat tar diau ana naur a rakai kutus ting na pirna, dia hanani.

Luk 19:38

“A king ning i hanot ana risan a Leklek i angis! Buk Song 118:26 A bal molmol usaot na langit, pa a matatar usaot tetek e God!”

Luk 23:35

A taraila la tur pa la oroi i, pa a ningnigola la morot laulau o e Iesu, la atongi mang, “I alaun pas a tarai masik. Ning i a Karisito ane God, anuna kaklik a asilang, i wakak ning ir alaun pasi ot.”

Luk 23:37

pa la atongi, “Ning u a king anuna tarai Juda, onone ur alaun pas u ot.”

Jon 1:49

E Natanael i atai i mange, “Tena asasaer, u a Nat e God, u a King anuna tarai Israel.”

Jon 12:13

La los pas a paka baibaila pa la han sur lar barat e Iesu. La kukuk mange, “Hosana! Esaning i hanot ana risan a Leklek i angis.’ Buk Song 118:25-26 A King anuna tarai Israel i angis!”

Jon 12:47

Ning tik i longor anuk na warwarala pa bel i muri, iau, bel ar warkurai i. Anasa bel a hanot sur ar warkurai a rakrakan hanua, a hanot sur ar alauni.

Jon 9:24

Munaur ono la ben ulak pas a barsan ning di agon pasi ka kut, pa la atai i mange, “Ur aleklek e God ana sa ning i toli hom! Mila tasmani mang a barsan ning i apalpalas pas naur a matam, a laulauna.”

Aposel 4:14

Ika ning la oroi a barsan ning di alangolango pasi, i tur taum on diau, belal warainla ma sur lar keles diau onoi.