Matiu 26:74 - Label

⁷⁴ Pa i lele tetek la, i atongi mang, “E God ir warkurai laulau iau ning ar asongo. Bel a tasman a barsan ning.” Pa ono otning a kakaruk i kurkurakuk.

Matiu 26:74 ပူးပေါင်းရင်းမြစ်များ

Matiu 10:28

Gong mulo matatan la ning la umkol ka a palaondi, ika bel lar umkol lar pas a ingundi. Mulor matatan esaning ir tol asot pasi sur ir alaulau a palaondi pa ingundi otleng ting na tnan iah.

Matiu 26:34

E Iesu i kelesi mang, “A atong momoli tam, mese na morom, ning a kakaruk belot ir kurkurakuk, ur puai munatol mang bel u tasman iau.”

Matiu 26:73

Lamur siklik, la ning la tur tingia la han tetek e Pita, la atai i mang, “A momolna, u otleng ning a halinla. Anasa mila longor lalan u ka ana num a liu a warwara.”

Matiu 26:75

Pa e Pita i nuk pas a warwara ning e Iesu ka atong tari tana mang, “Ning a kakaruk belot ir kurkurakuk, ur puai munatol mang, bel u tasman iau.” Pa i purum kusun a pukna ning, pa i tangis koli.

Matiu 27:25

A tarai rop la kelesi mang, “I wakak ka, a warkurai a arkeles ona sulukna ir kes omila pa na natnatumila otleng.”

A Wakak a Warwara o e Iesu Karisito i tumusi 14:30

E Iesu i atai i mange, “A atong momoli tam, onone ana morom, ning a kok belot ir areur a kurkurirakuk, ur munatol na puai mang bel u tasman iau.”

A Wakak a Warwara o e Iesu Karisito i tumusi 14:68

Ika i puai mange, “Bel a tasman asaning u warwara ono, pa bel a talapor ono.” Pa i purum utumo ana taman na woroh. Pa a kok i kurkurirakuk kakat.

Luk 22:60

E Pita i kelesi mang, “Barsan, bel a tasman asaning u warwara ono.” Ning kaning ot i warwara, a kok i kurkurirakuk.

Jon 18:27

E Pita i puai ulak mange, “Belal.” Ana mais a kamis ot ning, a kok i kurkurirakuk.

A Pas ane Pol tetek a tarai Rom 9:3

Ngandek ning ar tolsot pasi, a mang sur ar tur keles anuka tarai, a tarai Israel, pa dir suah tar anunla warkurai na arkeles hok, pa dir kepsen iau kusun e Karisito, sur dir alaun pas la.

1 Korin 16:22

Ning tik bel i mang sur a Leklek, ir hirua tikin. A Leklek, han ute!

Tatatai 3:19

La ning a maris la, a sira saran a rakrakai a warwara tetek la pa a sira atostos la. I maining mulor rakrakai sur mulor mur a tostos a toltol pa mulor lingir a nuknukimulo.