Matiu 26:29 - Label

²⁹ A atongi ta mulo mang, bel ar gang ulak al wain, tuk ning dalar gang a tona wain saot na matanitu ane Tata.”

Matiu 26:29 ပူးပေါင်းရင်းမြစ်များ

Matiu 13:43

Pa na tena tostos lar sasai arlar ana kamis ting na matanitu anun e Tamanla. Esining a talngana kaning, i wakak ning ir longor ono.

Matiu 16:28

A atong momoli ta mulo, dingla o mulo ning mulo tur te, belot mulor mat, pa mulor oroi a Nat a Barsan ir hanot taum ana nuna matanitu.”

Matiu 18:20

Ning ir naur o ir natol ditol kes taum ana risak, iau ar kes taum on ditol.”

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Matiu 26:28

Ine a sulukik, ning i amomol tar a kunubus ning i dat taum tar e God pa a tarai. A sulukik ne, i tapek sur ir kepsen na toltol laulau anuna galis a tarai.

Matiu 26:30

Ning la ka saken tar a saksak a lotu, la han usaot na Mangir Oliw.

Matiu 28:20

Pa mulor asaer la sur lar mur a warwarala rop ning ia ka atong tari ta mulo. Pa oroi, iau ar kes taum o mulo tuk ana araropna.”

A Wakak a Warwara o e Iesu Karisito i tumusi 14:25

A atong momoli ta mulo mang, bel ar gang ulak ta wain, tuk ning ar gang a tona wain ting na matanitu ane God.”

Luk 12:32

“A natara liur a sipsip, gong mulo matmataut, anasa e Tamamulo i gas sur ir saran a matanitu tetek mulo.

Luk 15:32

I wakak sur dalar gasgas pa dalar hangan, anasa e tasimlik ne ka mat pa onone ka laun ulak, i rongo pas, pa onone ka hanot ulak.’”

Jon 15:11

“A atong a warwarala ne ta mulo, sur anuka gasgas ir kes o mulo, pa anumulo a gasgas ir bukus momol.

Jon 16:22

Mang otleng larning tetek mulo, onone mulo bal maris, ika ar oroi ulak mulo, pa mulor gas. A gasgas ne, bel tik ir kepseni kusun mulo.

Jon 17:13

“Onone ar han tetek u, ika a atong a warwarala ne ning kanet a kes te na rakrakan hanua, sur anuka tnan gasgas ir bukus ting na nunla lalaun.

Aposel 10:41

Bel tetek a tarai rop, tetek la ning e God ka aslang nigon tar la sur lar oroi pa lar warwara talapor ono, mila ning mila hangan pa mila gang taum onoi, ning i laun ulak kusun a minat.

Hibru 12:2

Dalar tai tostos sur e Iesu, esaning i nigon dala ana toltol na tortorot, pa esaning ir agomo pas anundala tortorot tuk ir kidol. E Iesu i mat saot na rakai kutus, a utna na meme momol. Ika bel i nuk pas a meme ning, i saran tar i ot sur ir kilang kankan pa ir mat saot na rakai kutus, anasa i tasmani mang lamur ir kibas a tnan gasgas. Pa onone ka kes ting na ris a sot na keskes a king ane God.

Tatatai 14:3

La saken a tona saksak salanigo na keskes a king, pa diat a lalaun na akakes pa a ningnigola. Bel tik ir tolsot pas suir asaer ana saksak ne. 144 a rip ning di ka lou alangolango pas la mite na rakrakan hanua, la ka lar tolsot pasi.

Tatatai 7:17

Anasa a Nat na sipsip ning i kes na arpotor a keskes a king, ir hanot anunla a tena tai alar. Ir nigon la sur na matmatana malum a lalaun. Pa e God ir sah sen na luru matanla rop.”