Matiu 25:13 - Label

¹³ “Larning, mulor tumarang mulo, anasa bel mulo tasman a pukakiar o a puka kamis ning a Leklek ir hanot ono.

Matiu 25:13 ပူးပေါင်းရင်းမြစ်များ

Matiu 24:50

Anun a leklek ir hanot on ta pukakiar ning a tena titol oros bel i tasmani, pa ta puka kamis ning bel i nuki mang ir hanot ono.

Matiu 25:12

I keles la mang, ‘A atong momoli ta mulo, bel a tasman mulo.’

Luk 21:36

Mulor tai alar mulo ana pukakiarla rop, mulor nunung sur mulor rakrakai sur mulor alah kusun a ututnala ne, ning milau lar hanot, pa mulor nunung otleng sur mulor tolsot pasi sur mulor tur ana matana Nat a Barsan.”

Aposel 20:31

Mulor tumarang mulo! Pa mulor nuk pas natol a rau ning a kes taum o mulo. Bel a manah ana warwara na atumarang tetek mulo, ana moromla pa a kabakiarla, pa a luru matak i punga ono.

1 Korin 16:13

Mulor tumarang, pa mulor tur rakrakai ana tortorot. Mulor arlar ana rakrakai a barsanla, ning bel la matmataut.

1 Tesalonika 5:6

Pa gong dala arlar ana dingla na tarai ning la borbor duman. Dalar tai alar dala pa dalar warkurai tostos anundala lalaun.

2 Timoti 4:5

Ika u, ur nuknuk wakak ana pukakiar rop. Ning ur kilang a kankan, ur tur rakrakai ot. Ur rakrakai ona warawai ana Wakak a Warwara, pa ur tolsot pas anum na titol rop, ning e God ka saran tari tam.

1 Pita 4:7

A ararop ana ututnala rop ka milau. I maining mulor nuknuk wakak pa mulor warkurai tostos anumulo a lalaun, sur mulor tol sot sur mulor nunung.

1 Pita 5:8

Mulor tumarang pa mulor warkurai tostos anumulo a lalaun, anasa anumulo a hirua, e Satan, i han taltal arlar ana laion, ning i kukukuk, pa i tai sur al tarai sur ir ien la.

Tatatai 16:15

“Oroi i, ar hanot lar a tena kinkinau. Esining i kes na tai alar pa i sang anun na kaenla, i angis, sur bel ir mengere pa bel ir meme.”