Matiu 24:51 - Label

⁵¹ Pa a leklek ir ting kutkutusi, pa ir saran tar a warkurai a arkeles teteki, sur ir kes taum ana tena asasongola, ting na pukna ning di tangtangis pa di arngingit ngesendi ia.

Matiu 24:51 ပူးပေါင်းရင်းမြစ်များ

Matiu 22:13

Lamur a king i atai anuna na tena titol mang, ‘Mulor dot pas naur a hana pa naur a kuna pa mulor minggen purum seni utumo lapiu na mormorom. Di tangtangis pa di arngingit ngesendi tingia.’

Matiu 24:50

Anun a leklek ir hanot on ta pukakiar ning a tena titol oros bel i tasmani, pa ta puka kamis ning bel i nuki mang ir hanot ono.

Matiu 25:30

Pa a tena titol oros ne, ning bel i tolsot pas ta utna, mulor minggen purum seni uting na mormorom, a pukna ning di tangtangis pa di arngingit ngesendi ia.’

Matiu 8:12

Ika, a tarai Israel ning lanigo e God i aslang pas la sur lar kes ana nuna matanitu, ir lu purum sen a galis kusun la uting na mormorom. Pa lar tangtangis pa lar arngingit ngesenla tingia.”

Luk 12:46

Anuna leklek ir hanot nangse ning a tena titol ning bel i tasmani pa bel i nuki mang ir hanot. Pa a leklek ir ting kutkutusi, pa ir suah i sur ir kes taum onla ning bel la tortorot.

Luk 13:28

Dir kepsen purum mulo, pa ning mulor oroi e Abaram, Aisak pa e Jekop pa a propetla ana matanitu ane God, mulor tangtangis, pa mulor arngingit ngesemulola tingia.