Matiu 23:8 - Label

⁸ “Ika, gong di atong mulo a tena asaerla, anasa takai a Tena Asaer sot ka anumulo. Pa mulo tas.

Matiu 23:8 ပူးပေါင်းရင်းမြစ်များ

Matiu 10:25

I tostos sur a kaklik a asaer ir arlar ana nuna tena asaer pa a tena titol ir arlar ana nun a leklek. Ning di ka atong iau e Belsebul, mulo otleng ning mulo kes taum hok, dir atong mulo ana rising ning i laulau kol tana.

Matiu 17:5

Ning kaning ot i warwara, a laukap ning i talapor kol i poroi alar pas la. Pa a elngen takai misaot na laukap, i atongi mang, “Ine a Natuklik, a katnan koli, a gas kol onoi. Mulor longor tana.”

Matiu 23:10

Pa gong di atong mulo otleng a ningnigola, anasa takai sot ka anumulo a ningnigo, a Karisito ka.

Matiu 23:7

Pa la mang sur a tarai lar saran a tnan hanrawai tetek la ting na puknala na tinan taum, pa lar atong la otleng a tena asaerla.

Matiu 26:25

E Judas, esaning ir saran tari tetek a hiruala, i dekeni mang, “Tena Asaer, belsur iau gepi?” I kelesi mang, “U ka.”

Matiu 26:49

Ono otning e Judas i han tetek e Iesu pa i atongi mang, “Wakak a morom, Tena Asaer!” Pa i goro i.

A Wakak a Warwara o e Iesu Karisito i tumusi 10:51

Pa e Iesu i dekeni mange, “Asa ning u mang sur ar toli hom?” A matanakut i kelesi mang, “Tena Asaer, a mang sur ar tai.”

A Wakak a Warwara o e Iesu Karisito i tumusi 11:21

Pa e Pita i nuk pas a warwara ane Iesu, pa i atai i mange, “Tena Asaer, oroi! A rakai a fig ning u warwara rakrakai tar teteki, ka marang rop.”

A Wakak a Warwara o e Iesu Karisito i tumusi 14:45

Pa e Judas i han kapit tetek e Iesu, pa i atai i mange, “Tena Asaer!” Pa i goro i.

A Wakak a Warwara o e Iesu Karisito i tumusi 9:5

Pa natola kakak a asaer ditol matmataut kol pa e Pita bel i tasman asa ir atongi, pa i atai kama e Iesu mang, “Tena Asaer, i wakak ning dalar kes kama te. Mitol ar tol ir natol a turturup, takai anumi, takai ane Moses, pa takai ane Elaija.”

Luk 22:32

Ika ia ka nunung hom, Saimon, sur gong anuma tortorot i punga kol. Ning u ka nuklingir ulak, ur arakrakai na tastasimla.”

Jon 1:38

Ning e Iesu i talingir, i oroi diau ning dia muri, pa i deken diau mange, “Asa ning mu mang suri?” Dia kelesi mange, “Rabi” (a kamkamna mang Tena Asaer), “u kes taha?”

Jon 1:49

E Natanael i atai i mange, “Tena asasaer, u a Nat e God, u a King anuna tarai Israel.”

Jon 11:8

Pa la atai i mange, “Tena Asaer, nating ka a Juda la mang sur lar wolot amat u, pa ne u mang sur ur ulak utumo?”

Jon 20:16

E Iesu i kabahi mange, “Maria!” E Maria i gilam teteki pa i kabahi ana warwara Hibru mange, “Raboni!” a kamkamna mang a Tena Asaer.

Jon 3:2

I han tetek e Iesu ana ning a morom pa i atai i mange, “Tena asasaer, mila tasman u mang u a tena asaer ning e God i sune u. Bel ta barsan ir tolsot pas a akinalangla ning u sira toli, ning e God bel ir kes taum onoi.”

Jon 3:26

La han tetek e Jon pa la atai i mange, “Tena Asaer, a barsan ning mu kes taum pas tumo na ris a malum Jodan, pa u warwara talapor tar ono, kanumo ma i baptais, pa a taraila rop la han teteki.”

Jon 4:31

Ning a hane ka han, a kakak a asaer la nunung kol teteki mange, “Tena asasaer, ur hangan pas.”

Jon 6:25

Pa ning a tarai la pastetek pas e Iesu tumo na ris a puka tasi, la dekeni mange, “Tena Asaer, nangse u han tar ute?”

Jon 9:2

Anuna kakak a asaer la dekeni mange, “Tena Asaer, asa kamkamna ning di agon pasi ka a matanakut? Esining i tol a laulauna, i ot o e tamana pa e tana?”

2 Korin 1:24

Bel mila mang sur milar warkurai sur anumulo a tortorot. Mila mang ka sur milar titol taum o mulo, sur mulor gas, anasa mulo ka tur rakrakai ana tortorot.

2 Korin 4:5

Bel mila warawai o mila ot, mila warawai ka o e Iesu Karisito mang i a Leklek. Pa mila anumulo na tena titol ka, kamna ana arsune ane Iesu.

Epeses 3:15

esaning a Tamana mangis a taraila saot na langit pa te lapiu otleng, pa i saran tar a lalaun tetek la rop.

Pilimon 1:16

Onone bel ir arlar ulak ma ona tena titol oros, ir arlar o e tasimlik momol ana tortorot. A mang suri, ika anuma marmaris teteki ir itna kol, anasa i anuma tena titol pa tasimlik otleng ana Leklek.

Jems 3:1

Na tastasik, gong al galis o mulo la hanot na tena asaer ting na lotu, anasa mulo tasmani mang, a warkurai ane God tetek mila, na tena asaer, ir rakrakai kol tana warkurai tetek a tarai masik.

1 Pita 5:3

Gong mulo warkurai rakrakai la ning di ka saran tar la sur mulor tai alar la. Anumulo a lalaun ir arlar ana wakak a manar tetek a liur a sipsip.

Tatatai 1:9

Iau e Jon, a tasimulo pa a halimulo ning dala tur taum o e Iesu ana kankan, pa ana nuna matanitu pa a tuntunur rakrakai ning dala kilang a kankan. A kes na dodot tumo na lolo Patimos, anasa a warawai ana warwara ane God, pa a warwara talapor ane Iesu.

Tatatai 19:10

Lamur a punga hanrawai napir naur a hana suar lotu teteki. Ika i atai iau mang, “Gong! Iau otleng a tena titol oros ka lar u pa na tastasim ning la tong akes a warwara talapor o e Iesu. Ur lotu tetek e God! Anasa a warwara talapor o e Iesu i akamtur a tarai sur lar warwara na propet.”

Tatatai 22:9

Ika i atai iau mang, “Gong! Iau otleng a tena titol oros ka arlar hom pa na tastasim, na propet, pa la rop otleng ning la mur a warwarala mite na buk ne. Ur lotu tetek e God!”