Matiu 22:5 - Label

⁵ “Ika bel la longor, la han masik ka. Takai i han uting na nuna barim, takai otleng sur anuna rumai a siusiurai.

Matiu 22:5 ပူးပေါင်းရင်းမြစ်များ

Matiu 13:22

A patnala ning la punga tar ting na tinine rosrosla, la arlar ana barsan ning i longor a warwara, ika a nuknukna sur a wakak a keskes te lapiu, pa nuknuk otleng sur anuna gongon ning i asongo a nuknukna, la rau alar a warwara ane God, pa bel i wai.

Matiu 22:4

I sune seni maleng anuna dingla na tena titol oros masik ana warwara mang, ‘Mulor atai la ning di ka atai nigon tar la mang, “Ia ka sang rop tar a utna na hangan. Ia ka umkol tar na bulumakau pa na barman a butbut a bulumakau, a ututnala ka sang rop. Mulor han ute na ngasa na taulai.” ’

Matiu 22:6

Pa dingla na tarai otleng ning di han sur la, la tong akes pasi ka na tena titol oros, pa la alaulau la pa la umkol la.

Jon 2:16

Pa i atai la ning la siuran a tabun la mange, “Mulor los purum la mite! Pa gong mulo keles pas a rumai ane Tata sur a rumai a sisiurai!”

Aposel 2:13

Ika dingla na tarai la morot onla, pa la atongi mang, “La gang a wain pa la laulau ono.”

Aposel 24:25

Ning e Pol i warwara ana tostos a toltol, pa a toltol ning tik ir warkurai tostos pas anuna lalaun, pa a pukakiar na warkurai ning ir hanot, e Feliks i matmataut, pa i atongi mange, “Pol, ur han kaba. Ning ar langolango, ar arsune ulak sur u.”

A Pas ane Pol tetek a tarai Rom 2:4

Ka asangan tar anuna wakak a toltol ning i itna tetek mulo, pa bel i warkurai kapit mulo ana numulo na toltol laulaula, pa bel i ngoro kapit o mulo. Mangasa, mulo oroi purum anuna wakak a toltol? Mangasa, bel mulo tasmani mang i maris mulo larne sur mulor lingir a nuknukimulo?

A Pas ane Pol tetek a tarai Rom 8:6

Esining a nuknukna i mur ka a turai a lalaun ir mat. Ika, esining a nuknukna i kes nahai a Talngan Tabu, ir laun pa ir kilang a bal molmol.

2 Timoti 3:4

Lar alaulau ulak na halalinla, lar tol a kutkut a toltolla, lar aitna pas la, lar mang kol sur a gasgas mite na rakrakan hanua, pa bel lar mang sur e God.

Hibru 2:3

Manglarning, ir mangmangasa tetek dala, ning onone dala gilam ris ana tnan titol ane God ning i alaun a tarai? Bel dalar tol sot sur dalar liu kumna kusun a warkurai na arkeles. A titol na alaun a tarai, a Leklek ot ka warwara nigo tar ono. Pa la ning la longor a elngena, la apuasa i tetek dala mang i momol kol.

2 Pita 2:3

Ana nunla na tnan nuknuk sur a mani, lar asongo tar mulo ana namnamin a warwara oros ka, sur lar kibas anumulo na mani. Ika anunla warkurai na arkeles, tagun nating ot i ka sang pa bel i borbor, pa milau ir hanot.