Matiu 22:40 - Label

⁴⁰ Naur a warkurai ne, diau a kamkama warkurai rop ane Moses pa a asaerla anuna propetla.”

Matiu 22:40 ပူးပေါင်းရင်းမြစ်များ

Matiu 7:12

A ututnala rop ning mulo mang sur a tarai lar toli tetek mulo, mulo otleng, mulor sira toli tetek la. Ine a kamkama warkurai ane Moses, pa asasaerla ana propetla.

Jon 1:17

Ta e Moses, e God i saran tar a warkurai tan dala, ika o e Iesu Karisito i saran tar a marmaris pa a momolna tetek dala.

A Pas ane Pol tetek a tarai Rom 13:9

Pa ine a Warkuraila ane God: “Gong u tol a toltol laulau ana ta hane anuna tik o ta barsan anuna tik. Gong u umkol tik. Gong u kinkinau. Gong u ram sur a utna anuna tik.” A warkuraila ne pa a warkuraila rop otleng, takai ka a warkurai i poroi alar la. I mange, “Ur mang sur a halim larning u mang sur u ot.” Liwai 19:18

Galesia 5:14

A Warkuraila rop ane God, di suah taum pas la sur takai a warkurai kama, ne: “Ur mang sur a halim larning u mang sur u ot.” Liwai 19:18

1 Timoti 1:5

A atongi manglarning, sur a marmaris ir itna artalai na arpotor in dala. A marmaris ning i han miting na totoh na balandala, pa a nuknukindala ning bel ta rongo namata e God, pa tortorot momol.

Jems 2:8

Mulor tolsot pas a warkurai ning e God, a king, i saran tari, ting na Buk Tabu. I atongi larne, “Ur mang sur a halim larning u mang sur u ot.” Liwai 19:18 Ning mulor toli larne, mulo tol a tostosna.