Matiu 22:24 - Label

²⁴ “Tena Asaer, e Moses i atongi mang, ning ta barsan ir mat pas kusun anuna hane, pa bel ta natundiau, e tasnalik ir ben pasi pa ir taulai ono, sur ir aitna tar al kakakla ana risana e tasnalik ning ka mat.

Matiu 22:24 ပူးပေါင်းရင်းမြစ်များ

Matiu 22:16

La sune sen anunla kakak a asaerla taum ana halalna e Herot tetek e Iesu, pa la atongi mang, “Tena Asaer, mila tasmani mang u a tostos a barsan, pa u asaer a tarai ana ngas ane God ana momol. Bel u nuknuk kol ana sa ning a tarai la atongi hom, anasa a ginim i arlar ka tetek a tarai rop.

Matiu 22:25

Ning a kabaitas mais a barsan la, la kes na arpotor tamila. A ningnigona i taulai, pa i mat pas kusun anuna hane, pa bel ta natundiau. Pa a murmur tana maleng i taulai tana hane ning, pa i maleng i mat pas kusuni. Lamur a munatol a tasnalik maleng. Pa i larning tetek mais, la rop la taulai onoi, ika bel ta natun ta halinla.

Matiu 22:36

“Tena Asaer, esi na warkurai ning i itna kol tanla rop?”

Matiu 7:21

“Belsur la rop ning la atong iau mang, ‘Leklek, Leklek,’ lar kas uting na matanitu saot na langit. La ka, ning la sira mur a nuknuk e Tata, ning i kes saot na langit, lar kas uting na nun a matanitu.

A Wakak a Warwara o e Iesu Karisito i tumusi 12:19

“Tena Asaer, e Moses i tumus tari tan dala mange, ning ta barsan ir mat pas kusun anuna hane, pa bel ta natundiau, io, e tasnalik ir ben pasi pa ir taulai i, sur ir aitna tar al kakakla ana risana e tasnalik ning ka mat.

Luk 20:28

“Tene Asaer, e Moses i tumus tari tetek dala mang, ning ta barsan ir mat pas kusun a nuna hane, pa bel ta natun diau, e tasnalik ir ben pasi pa ir taulai ono, sur ir aitna tar al kakakla ana risana e tasnalik ning ka mat.

Luk 20:33

Ana lalaun ulak kusun a minat, a hane ning anun esi na halinla? Anasa diono mais la rop la ka taulai pas onoi.”

Luk 6:46

“Sur asa mulo atong iau mang ‘Leklek, Leklek,’ pa bel mulo tol a asala ning a atongi ta mulo?