Matiu 19:29 - Label

²⁹ Pa la rop ning la ka han kusun anunla na rumai, o kusun a tastasinla, taraila pa gurarala, o kusun na tamtamanla, o na kabatnanla, o na natnatunla, o kusun anunla na piu, anasa la anuki, dir saran a marmar a utna larne tanla, pa lar kibas otleng a lalaun tikin.

Matiu 19:29 ပူးပေါင်းရင်းမြစ်များ

Matiu 10:22

Pa taraila rop lar nget mulo anasa mulo anuki, ika esining ir tur rakrakai tuk anuna lalaun ir rop, e God ir alauni.

Matiu 13:23

Ika a patnala ning la punga ting na wakak a piu, la arlar ana barsan ning i longor a warwara, pa i tastasmai ono. Ir suah takai a mar, o diono na bonot, o natol a bonot a wana.”

Matiu 13:8

Pa dingla na patna otleng la punga ting na wakak a piu pa la wai. Dingla la wai takai a mar a wanala, dingla otleng diono na bonot, pa dingla natol a bonot.

Matiu 16:25

Esining i mangan alar anuna lalaun, ir hirua, ika esining i noren sen anuna lalaun sur iau, ir laun.

Matiu 19:16

Ning a barman i han tetek e Iesu, pa i dekeni mang, “Tena Asaer, esi na wakak a utna ning ar toli sur ar kibas a lalaun tikin?”

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Matiu 25:46

Lamur lar han sur a akadik tikin. Ika a tena tostosla lar han sur a lalaun tikin.”

Matiu 5:11

“Mulo angis ning di atong laulau mulo, pa di alaulau mulo, pa di atong a asasongo na warwarala o mulo mang mulo tol na toltol laulaula, anasa mulo anuki.

Matiu 6:33

Mulor tai nigo sur anuna matanitu pa anuna tostos a toltol, pa ir tabar mulo otleng ana ututnala rop ne.

Luk 14:26

“Ning tik i mang sur ir mur iau, ika i katnan e tamana, pa e tana, anuna hane pa na natnatna, na tastasna pa anuna lalaun otleng, pa bel i katnan kol iau, ai bel anuka kaklik a asaer.

Luk 5:11

Ning la ka dat tar naur a mon, la han kusun anunla ututnala rop, pa la mur e Iesu.

Luk 6:22

Mulo angis ning a tarai la nget mulo, pa ning la kepsen mulo pa la atong laulau mulo, pa ning la atong laulau a risamulo, anasa mulo na halal a Nat a Barsan.

Jon 15:19

Ning mulo tagun a rakrakan hanua, a rakrakan hanua ir mang sur mulo larning mulo anunai. Ika mulo bel tagun a rakrakan hanua, ia ka aslang pas mulo kusuni. A kamkamna ne, ning i nget mulo.

Jon 4:36

A tena sol ning i sol a utna na hangan, i los arlou ono. Pa utna ning i sol pasi, i a tarai ning la kibas a lalaun tikin. Pa a tena omomai pa a tena sol, diar gas taum.

Aposel 9:16

Pa ar asangani mang ir kilang a galis a kankan ana risak.”

1 Korin 2:9

Ika, i arlar ana warwara ning di ka tumus tari ting na Buk Tabu larne, “Bel tik i oroi i, pa bel tik i longori, pa bel i hanot miting na nuknukin tik, asaning e God ka sang tari sur la ning la mang kol suri.” Ais 64:4

2 Korin 5:16

I maining, onone anumila toltol tetek a tarai bel i arlar larning nating. Lanigo mila oroi a tarai arlar ana tarai mite na rakrakan hanua lar oroi la. Pa mila oroi e Karisito mangotleng larning. Ika onone, anumila a tatatai bel ma i manglar nating.

Pilipai 3:8

Momol, a ututnala rop, la utna oros kama tetek iau, bel ma a tortorot onla. Ning a utna ka i wakak kol, sur ar tasman e Karisito Iesu anuka Leklek. A ututnala rop la ka rop kusun iau, anasa o e Karisito Iesu. La arlar kama ana beren tetek iau, sur ar kibas pas e Karisito ana nuk a lalaun,

1 Pita 4:14

Ning di atong laulau mulo anasa mulo ane Karisito, mulo angis. Anasa a Inguna e God, a Ingun a matatar, i kes o mulo.

3 Jon 1:7

La han ana risana e Karisito, pa bel la kibas harnangai tana taraila ning bel la tortorot.