Matiu 16:20 - Label

²⁰ Pa e Iesu i sairas anuna kakak a asaerla mang gong la atai tar tik mang i a Karisito.

Matiu 16:20 ပူးပေါင်းရင်းမြစ်များ

Matiu 1:16

e Jekop e tamana e Josep, i ning i taulai o e Maria. E Maria i agon e Iesu, ning di atongi a Karisito, i ning e God i sune seni.

Matiu 16:16

Pa e Saimon Pita i kelesi mang, “U a Karisito, a Nat e God ning i laun.”

Matiu 17:9

Ning la han purum amon misaot na mangir, e Iesu i sairas ditol mang, “Gong mutol atai tar tik ana sa ning mutol ka oroi tari, tuk ning a Nat a Barsan ir kamtur ulak kusun a minat.”

Matiu 8:4

Lamur e Iesu i atongi tana mang, “Gong u atai tar tik ono. Ur han pa ur asangan u tetek a tena artabar tetek e God, pa ur saran a artabar tetek e God larning e Moses ka atong tari. Ning ur toli larne, ir talapor tetek a tarai mang u ka langolango.”

A Wakak a Warwara o e Iesu Karisito i tumusi 8:30

Pa i sairas la mang gong la atai tar tik onoi.

A Wakak a Warwara o e Iesu Karisito i tumusi 9:9

Ning la han purum amon misaot na mangir, e Iesu i sairas ditol sur gong ditol atai tar tik ana sa ning ditol ka oroi tari, tuk ning a Nat a Barsan ir kamtur ulak kusun a minat.

Luk 2:11

Onone, ana hanua ane Dewit, di ka agon tar anumulo a Tena Alaun, esaning a Karisito, a Leklek.

Luk 9:21

Pa i sairas la mang gong la atai tar tik ono.

Luk 9:36

Ning ka warwara rop, e Iesu kama kaning i tur. Pa bel ditol warwara onoi. Pa ana pukakiarla ning, bel ditol atai tar tik ana sa ning ditol ka oroi tari.

Jon 1:41

A ningnigo na utna ning e Endru i toli, i seren pas e tasnalik e Saimon, pa i atai i mange, “Mila ka pastetek pas a Mesaia!” (a kamkamna mang e Karisito).

Jon 1:45

E Pilip i pastetek pas e Natanael, pa i atai i mange, “Mila ka pastetek pas a Karisito ning e Moses i warwara nigo tar ono ana Buk a warkurai, pa propetla otleng la ka warwara nigo tar ono ana nunla na tumtumus, i e Iesu a te Nasaret, a nat e Josep.”

Jon 11:27

E Mata i kelesi mange, “Leklek, i momol. A tortorot mang u a Karisito, a Nat e God, ning i sune u ute na rakrakan hanua.”

Jon 20:31

Ika di tumus pas ka a ututnala ne, sur mulor tortorot mang e Iesu i a Karisito, a Nat e God. Pa ning mulor tortorot onoi, mulor kibas ot a lalaun ana risana.

Aposel 2:36

“Mulo a tarai Israel rop mulor tasman wakaki, mang e Iesu ning mulo sai ahati saot na rakai kutus, e God ka akesi sur ir Leklek pa ir Karisito otleng.”

1 Jon 2:22

Esining a tena asasongo? Esaning i puai mang e Iesu bel a Karisito. Tik ning i atongi larne, ai a hirua ane Karisito, anasa i puai sen otleng e Tamana pa e Natnalik.

1 Jon 5:1

La rop ning la tortorot mang e Iesu i a Karisito, la na natnat e God. Pa la rop ning la mang sur e tamana, la mang otleng sur e natnalik.