Matiu 1:23 - Label

²³ “Oroi i, a basbas a hane ir tianan pa ir agon pas a kaklik barsan pa dir atongi o e Emanuel,” Ais 7:14 a kamkamna mang, “E God i kes taum ondala.”

Matiu 1:23 ပူးပေါင်းရင်းမြစ်များ

Matiu 1:24

Ning e Josep i mata, i muri lar otning a angelo ana Leklek i ka atai tari ono, pa i ben pas e Maria sur anuna hane.

Matiu 28:20

Pa mulor asaer la sur lar mur a warwarala rop ning ia ka atong tari ta mulo. Pa oroi, iau ar kes taum o mulo tuk ana araropna.”

Luk 20:44

E Dewit i atong a Karisito mang anuna Leklek. Ning larning, ditamanar mangasa?”

Jon 1:14

A Warwara i hanot a barsan momol, pa i kes na arpotor ta mila. Mila ka oroi tar anuna matatar, a matatar ane Natnalik takai sot ka, ning i han kusun e Tamana, i bukus ana marmaris pa a momolna.

Aposel 18:9

Ning a morom a Leklek i warwara tetek e Pol ana tatatai mange, “Gong u matmataut, warwara ka. Gong u kes longoro,

A Pas ane Pol tetek a tarai Rom 8:31

I maining, asaning dalar atongi ana ututnala ne? Ning e God i kes taum ondala, esining ir tolsot pas dala? Bel tik.

A Pas ane Pol tetek a tarai Rom 9:5

La na kaba tarai e Abaram, Aisak pa e Jekop. Pa ning e Karisito i hanot a barsan momol, i hanot onla. E Karisito i warkurai a ututnala rop, pa i ot e God. Dalar atong alekleki, onone pa lamur pa bel ir rarop. Amen.

2 Korin 5:19

O e Karisito, e God i amoro pas a taraila te na rakrakan hanua. Bel ma i nuk ulak pas anunla na toltol laulau sur ir warkurai la ono. Pa ka saran tar a warwara na armoro ne tetek mila.

1 Timoti 3:16

Dala tasman momoli mang, a asasaer ning dala tortorot onoi i itna kol. I mange: E Karisito i hanot a barsan, a Talngan Tabu i apuasa i mang e Karisito i tostos na mata e God, a angelola la oroi, di atatai onoi pa a warwara ne i han sarara tetek a taraila miting na matanitu rop, pa a galis te na rakrakan hanua la tortorot onoi, i han kas pa i kes ana matatar.

2 Timoti 4:17

Ika a Leklek i nangan iau, pa i arakrakai iau sur ar tolsot pas a warawai ana Wakak a Warwara, pa a taraila rop ning bel na tarai Juda lar longori. Pa ning la mang sur lar umkol iau, a Leklek i alaun pas iau.

2 Timoti 4:22

A Leklek ir kes taum ana ingum. A marmaris ane God ir kes tetek mulo.