Luk 9:48 - Label

⁴⁸ Pa i atai la mang, “Esining ir gas pas a kaklik ne ana risak, i gas pas iau otleng. Pa esining ir gas pas iau, i gas pas esaning i sune iau ute. Anasa esining i natarna ta mulo rop, i ning i leklek kol.”

Luk 9:48 ပူးပေါင်းရင်းမြစ်များ

Matiu 18:10

“Gong mulo oroi purpurum pas ta halin kakakla ne. A atai mulo, anunla na angelola saot na langit la sira oroi a patar e Tata ning i kes saot na langit.

Matiu 18:14

Larka otleng ning, a Tamamulo ning i kes saot na langit, bel i mang sur ta halin kakakla ne ir hirua.

Matiu 19:28

E Iesu i atongi tanla mang, “A atong momoli ta mulo, ning dir atona a ututnala rop, a Nat a Barsan ir kes na king ana nuna keskes na matatar. Pa mulo ning mulo ka mur iau, mulor kes ana ning a bonot pa pisir naur a keskes a king, pa mulor warkurai ning a bonot pa pisir naur a mangis a tarai Israel.

Matiu 25:40

“A king ir keles la mang, ‘A atong momoli ta mulo, asaning mulo toli tetek ta barsan oros ka tagun a tastasikla ne, mulo toli hok.’

Matiu 25:45

“Ir keles la mang, ‘A atong momoli ta mulo, asaning bel mulo tol tari tetek ta barsan oros ka, bel mulo toli hok.’

A Wakak a Warwara o e Iesu Karisito i tumusi 9:37

“Esining ir gas pas ta kaklik manglarne ana risak, i gas pas iau. Pa esining ir gas pas iau, bel i gas pas iau ka, i gas pas esaning i sune iau ute.”

Luk 10:16

E Iesu i atai anuna kakak a asaerla mang, “Ning tik i longor mulo, i longor iau. Pa tik ning i puain sen mulo, i puain sen iau otleng. Pa tik ning i puain sen iau, i puain sen otleng esaning i sune iau ute.”

Luk 14:11

Anasa esining i aleklek pas i ot, dir atarna pasi, pa esining i atarna pas i ot, dir aleklek pasi.”

Luk 22:26

Ika mulo, gong mulo manglarning. Esaning i leklek ta mulo ir arlar ka o esaning i natarna, pa esaning i ningnigo ir arlar ka o esaning i sira longor mut.

Luk 22:30

sur dalar hangan pa dalar gang ana nuk a logo ana nuk a matanitu. Pa mulor kes ana keskesla na king, pa mulor warkurai ning a bonot pa naur a mangis a tarai Israel.”

Luk 7:28

A atai mulo, e Jon i leklek kol tanla rop ning di agon la, ika esining i natarna kol ana matanitu ane God, i leklek tana.”

Jon 13:20

A atong momoli ta mulo, ning tik ir malmaling pas esining a sune i, i malmaling pas iau. Ning tik ir malmaling pas iau, i malmaling pas esining i sune iau ute.”

Jon 14:21

Esining i tong akes anuk na warkuraila pa i muri, i ning i mang sur iau. Pa e Tata ir mang suri, pa iau otleng ar mang suri, pa ar asangan iau tana.”

1 Tesalonika 4:8

Larne, ning tik bel i mang sur a asasaer ne, bel i gilam ris tetek a tarai. I gilam ris tetek e God, esaning i tabar dala ana Inguna, a Talngan Tabu.

1 Pita 5:6

I maining mulor anatarna pas mulo nahaina rakrakai a kuna e God, sur ning a taem ir sot arlar ana nuknukna, ir aleklek pas mulo.

Tatatai 21:14

A kama woroh na hanua ning, di toli ana ning a bonot pa pisir naur a hat. Pa ting na hatatla ning, di ka tumus tar a risan ning a bonot pa pisir naur a aposel anuna Nat a Sipsip.

Tatatai 3:21

Esining i tolsot pas a harum, ar malmaling sur miar kes taum ana nuk a keskes a king, larning a tolsot pas a harum, pa a kes taum o e Tata ana nuna keskes a king.