Luk 9:35 - Label

³⁵ Pa a elngen takai misaot na laukap i atongi mange, “Ine a Natuklik, ning ia ka aslang pasi. Mulor longor tana.”

Luk 9:35 ပူးပေါင်းရင်းမြစ်များ

Matiu 12:18

“Ine anuka tena titol ning ia ka aslang pasi, a katnani, a gas kol ono. Ar akas tar a Inguk ono, pa ir apuasa a warkurai ning i tostos tetek na tarai miting na matanitula.

Matiu 3:17

Lamur a elngena mainla misaot na langit i atongi mang, “Ine a natuklik, a katnani, a gas kol onoi.”

A Wakak a Warwara o e Iesu Karisito i tumusi 1:11

Pa a elngena mainla misaot na langit i atongi mang, “U a Natuklik, a katnan u, a gas kol hom.”

Luk 3:22

pa a Talngan Tabu i han purum, i suah a palaona lar a tabun, pa i kes saot o e Iesu. Pa a elngena mainla misaot na langit i atongi mang, “U a Natuklik, a katnan u, a gas kol hom.”

Luk 9:34

Ning kaning ot i warwara, a laukap i hanot pa i poroi alar pas la, pa ditol matmataut ning ditol kas tingui na laukap.

Jon 12:28

Tata, ur aleklek a risam!” Pa a elngen takai misaot na langit i atongi mange, “Ia ka aleklek tari, pa ar aleklek ulaki.”

Jon 3:16

“E God i maris a rakrakan hanua, pa i saran tar e Natnalik takai sot ka, sur esining ir tortorot onoi, ir laun tikin, pa bel ir hirua.

Hibru 2:3

Manglarning, ir mangmangasa tetek dala, ning onone dala gilam ris ana tnan titol ane God ning i alaun a tarai? Bel dalar tol sot sur dalar liu kumna kusun a warkurai na arkeles. A titol na alaun a tarai, a Leklek ot ka warwara nigo tar ono. Pa la ning la longor a elngena, la apuasa i tetek dala mang i momol kol.

Hibru 3:15

Larning di ka atong tari ting na Buk Tabu larne, “Onone ning mulo longor a elngena e God, gong mulo arakrakai a balamulo, arlar larning na tumtubumulola nating la toli, ning la gilam ris kusun iau.” Buk Song 95:7-8

Hibru 5:9

Ning e God ka tol sot pas a titol ning o e Natnalik, e Natnalik i hanot a kama titol na alaun tikin tetek la rop ning la mur anuna warwara.