Luk 9:12 - Label

¹² Ning ka rah, ning a bonot pa pisir naur a kakak a asaerla la han tetek e Iesu, pa la atai i mange, “Ur sune sen a kunum a tarai sur lar han uting anal hananua, pa na nanatar a hanuala milau, sur lar hangan pa lar borbor tingia, anasa a hanua bel ka ine.”

Luk 9:12 ပူးပေါင်းရင်းမြစ်များ

Matiu 14:13

Ning e Iesu i longori mang e Jon ka mat, i kas ana mon pa i han mitingia sur uting na hanua bel, sur i sot ka ir kes. Ning a tarai la longori, a kunum a tarai miting na hananuala la muri ting na ngas sur uting na pukna ning.

Matiu 15:23

Ika e Iesu bel i kelesi. Anun kakak a asaerla la han teteki, pa la atai rakrakai i mang, “Ur sune seni, anasa i woiwoi tumo lamur tandala.”

Matiu 15:32

E Iesu i kabah pas anuna kakak a asaerla teteki pa i atongi tanla mang, “A maris kol a taraila ne, anasa la ka kes taum hok te natol a pukakiar, pa belal utna sur lar ieni. Bel a mang sur ar sune oros sen la taum ana munurak, sakana lar suah mat ting na ngas.”

Luk 9:11

A kunum a tarai la longori, pa la muri. I gas pas la, pa i warwara tetek la ana matanitu ane God, pa i alangolango pas la ning la sasam.

Luk 9:13

E Iesu i atai la mang, “Mulo ot mulor tabar la.” Pa la kelesi mange, “Dilima na bret ka pa naur a sis kane mila losi. Ngandek u mang sur milar lou pas al utna sur ir arlar ana kunum a tarai rop ne?”

Jon 6:1

Lamur e Iesu i han lakai a puka tasi Galili, ning di atongi otleng mang a puka tasi Tiberias.

Pilipai 1:19

anasa a tasmani mang ana numulo na nunung, pa a harnangai anuna Inguna e Iesu Karisito, na utna ning a kilangi ir tol otnan iau sur ar langolango.