Luk 8:28 - Label

²⁸ Ning i oroi pas e Iesu, i kukuk, pa i punga purum tar ting na naur a hana, pa i kukuk kol mange, “Iesu, a Nat e God a Leklek Kol, asaning ur toli hok? A nunung u, gong u akadik iau.”

Luk 8:28 ပူးပေါင်းရင်းမြစ်များ

Matiu 8:29

Dia woiwoi mang, “Nat e God, asa u mang ur toli o miau? I mangasa, u han ute sur ur akadik mila ning belot a pukakiar a warkurai i sot?”

Luk 8:27

Ning e Iesu i purum kusun a mon, ning a barsan miting na hanua ning, a motla la solongi, i han barati. Ka bongnani, bel i pipis ta kaen, pa bel i kes otleng ana ta rumai, i keskes ka ting na kulamla ngasa minatla.

Luk 8:29

I atongi larne, anasa e Iesu ka warwara rakrakai pas tetek a mot sur ir purum kusun a barsan ne. A galis a taem a mot i solsolongi. A tarai la sira tai alar a barsan ne, la sira dot naur a kuna pa naur a hana ana sen, ika i sira dat kutus la ka, pa mot i sira angongosi usaot na hanua bel.

Jems 2:19

U tortorot mang takai ka a God. I wakak. A motla otleng la tortorot onoi larne, pa la matmataut pa la koloron.

2 Pita 2:4

Oroi i, e God bel i maris na angelo ning la tol a toltol laulau. I minggen purum sen la uting na iah, pa la dodot ting na tnan tung ning i mormorom, sur lar kes nanan a pukakiar a warkurai.

1 Jon 3:8

Pa esining i tol a toltol laulau, i ane Satan, anasa e Satan i tol a laulauna turpasi ot ana turturkamna. Pa a Nat e God i hanot sur ir kamar sen a titolla ane Satan.

Tatatai 20:10

Pa dir minggen purum sen e Satan, esaning i asongo pas la. Ir kes ting na tnan tung a iah pa salfa, ning di ka minggen purum tar kaba a rokoio a inagoi pa asasongo na propet ia. Tingia dir akadik ditol ana kamisla pa na morom, bel ir rop pa bel ir rop.