Luk 7:17 - Label

¹⁷ Pa warwara ona utna ning e Iesu ka tol tari, i han sarara to na papar Judia rop, pa a hananuala milau otleng.

Luk 7:17 ပူးပေါင်းရင်းမြစ်များ

Matiu 2:1

Di agon e Iesu tumo na hanua Betlihem ting na papar Judia, ana rau ning e Herot i king. Lamur dingla na tena tastasmaila tagun a nangnangla, la han mitingia ana pukna ning a kamis i pusa ot ia, pa la hanot saot e Jerusalem.

Matiu 4:24

Pa a warwara o e Iesu i han sarara ting na papar Siria rop. Pa la ben rop pas a tarai ning a urmatana ngas a tinsaman i alaulau la, a tarai ning a rakrakai a kankan i alaulau la, pa la ning a motla kaning onla, la otleng ning la sira mat lalang pa la ning a palaonla i mat. Pa e Iesu i alangolango pas la rop.

Matiu 9:26

A warwara ana utna ne i han sarara ting na papar rop ning.

Matiu 9:31

Ika dia han pa dia atatai amon o e Iesu ting na papar rop ning.

A Wakak a Warwara o e Iesu Karisito i tumusi 1:28

Pa a warwara o e Iesu i han sarara ana hananuala rop ting na papar Galili.

A Wakak a Warwara o e Iesu Karisito i tumusi 6:14

E King Herot i longor a warwara o e Iesu, anasa a tarai la rop la ka tasman e Iesu. Dingla la atongi ono mang, “A barsan ne e Jon a Tena Baptais, ka laun ulak kusun a minat. I maining i tol a ututnala na kulkulan.”

Luk 4:14

E Iesu i ulak utumo na papar Galili ana rakrakai ana Talngan Tabu, pa a warwara onoi i han sarara ana papar rop ning.

Luk 7:14

I han milau, pa i tong a logo ning di los a minat onoi, pa a tarai ning la los a minat la tur suai. E Iesu i atongi mang, “Barman, a atai u mang ur kamtur.”