Luk 6:20 - Label

²⁰ E Iesu i ngoson anuna tarai a asasaer pa i atongi mang, “Mulo ning mulo kapan, mulo angis, anasa a matanitu ane God anumuloi.

Luk 6:20 ပူးပေါင်းရင်းမြစ်များ

Matiu 11:5

A kutla la ka tai, la ning a hanla i mat la ka han tostos, a leprala la ka langolango, na talngana kutkut la ka longor, a minatla la ka kamtur, pa di warawai ana Wakak a Warwara tetek a kapan a tarai.

Matiu 25:34

A king ir atai la ning kaning na sot a kuna mang, ‘Mulo han ute, mulo ning e Tata ka angis tar mulo. Mulor kibas pas a matanitu ning ka sang tari sur anumulo, tagun nating ot na kamkama rakrakan hanua.

Matiu 5:1

E Iesu i oroi pas a kunum a tarai, pa i han kas ting na mangir, pa i kes. Anun a tarai a asaer la han teteki.

Luk 12:32

“A natara liur a sipsip, gong mulo matmataut, anasa e Tamamulo i gas sur ir saran a matanitu tetek mulo.

Luk 13:28

Dir kepsen purum mulo, pa ning mulor oroi e Abaram, Aisak pa e Jekop pa a propetla ana matanitu ane God, mulor tangtangis, pa mulor arngingit ngesemulola tingia.

Luk 14:15

Ning a halinla ning la hangan taum o e Iesu i longor a warwarala ne, i atai i mang, “La ning lar hangan ana ngasa ting na matanitu ane God, la angis.”

Luk 16:25

“E Abaram i kelesi mang, ‘Natuklik, ur nuk pasi, ning kaning ot u laun, u kibas anuma wakak a ututnala, pa mang otleng larning tetek e Lasarus, i kibas a laulau a ututnala. Ika onone, i kibas a gasgas, pa u, u kilang a tnan kankan kol.

Luk 4:18

“A inguna Leklek i kes hok, anasa ka aslang pas iau sur ar warawai ana wakak a warwara tana kapan a tarai. I sune iau sur ar warawai mange, dir paksen la ning di dot akes tar la, dir apalpalas ulak la ning a matanla i kut, pa dir alangolango la ning la kilang a mamahatla ning di tol tari onla,

Aposel 14:22

Dia arakrakai a tarai a asasaer tagun a natola hanua ning, pa dia wunan la, sur lar tur rakrakai ana nunla tortorot. Dia atai la mange, “A galis a mamahat ir kibas nigon tar dala, lamur ma dalar kas ana matanitu ane God.”

2 Korin 6:10

Mila bal maris, ika mila sira gas ana pukakiarla rop. Mila kapan, ika mila sira angisngis a galis a tarai ana gongon ana ingun. Bel anumila al utna, ika a ututnala rop anumila.

2 Korin 8:2

La kilang a galis a mamahat, ika anunla a gasgas i pulpulas. Pa ting na nunla a keskes a kapan, anunla gasgas i akamtur la sur lar artabar, pa anunla artabar i pulpulas.

2 Korin 8:9

Anasa mulo tasman a marmaris ana nundala a Leklek e Iesu Karisito. I ot i angis kol, ika i han kusun anun a wakak a keskes saot na langit, anasa i maris mulo. I kes na kapan te na rakrakan hanua, sur mulo, mulor angis.

1 Tesalonika 1:6

Mulo ka mur pas a ginimitol pa a ginina Leklek. A tarai la alaulau mulo, ika mulo tong akes a warwara ana gasgas, ning a Talngan Tabu i sarani ta mulo.

2 Tesalonika 1:5

A ututnala rop ne i apuasa i mang a warkurai ane God i tostos. Mulo kilang kankan anasa mulo agomo anuna matanitu. Manglarning e God i atong mulo mang mulo tostos sur anuna matanitu.

Jems 1:12

A barsan ning i tolsot pas a arlam, pa i tur rakrakai, i angis. Anasa esaning i tolsot pas a ututnala ning di lar anuna tortorot onoi, ir kibas pas a kukuh na lalaun tikin, ning e God i lele tar sur ir sarani tanla rop ning la mang suri.

Jems 2:5

Na wakak a tastasikla, mulor longor iau: I mangasa, bel mulo tasmani mang e God i aslang pas a kapan a tarai te lapiu, sur lar tena gongon ana tortorot? Lar kibas pas a matanitu ning e God i lele tar sur ir sarani tanla rop ning la mang suri.

Tatatai 2:9

A tasman a kankan ning i monong mulo, pa anumulo a kapan a keskes, ika mulo kes na leklek ot! A tasman a warwara laulaula ning dingla na tarai la atongi o mulo. La ning, la atongi mang la na te Juda, ika belsur la na te Juda, la tarai ane Satan.