Luk 4:35 - Label

³⁵ E Iesu i sairasi mange, “Gong u warwara! Purum kusun a barsan ning!” A mot i minggen purum tari namatanla rop, i purum kusuni, pa bel ta puka palaona i laulau.

Luk 4:35 ပူးပေါင်းရင်းမြစ်များ

Matiu 17:18

E Iesu i warwara rakrakai tetek a mot, pa i purum kusun a kaklik. Pa ono otning i langolango.

Matiu 8:26

Pa i atongi tanla mang, “Anumulo a tortorot i natarna kol. Sur asaning mulo matmataut?” I kamtur pa i sairas a wuwu pa top, pa i mililo rop.

A Wakak a Warwara o e Iesu Karisito i tumusi 1:26

A mot i gulen rakrakai tari, pa i kukuk, pa i purum kusuni.

A Wakak a Warwara o e Iesu Karisito i tumusi 4:39

Pa i kamtur, i sairas a wuwu, pa i atai a top, “Ur manah! Ur mililo.” Pa a wuwu i manah pa a tasi i mililo rop.

A Wakak a Warwara o e Iesu Karisito i tumusi 9:26

A mot i kukuk pas, i gulen rakrakai tar a kaklik ning, pa i purum pas kusuni. A kaklik ning i arlar kama lara minat, pa galis la atongi mang ka mat.

Luk 11:22

Ika, ning tik i rakrakai tana ir hanot teteki pa ir tolsot pasi, ir rasen anuna na utnala na harum ning i tortorot onoi, pa ir kibas pas a ututnala rop anuna barsan ning pa ir sarani tan al tarai.

Luk 4:23

Pa i atai la mang, “Sakana mulor atong a ngas a warwarala ne hok: ‘Dokta, ur alangolango pas u ot! A ututnala ning mila longori mang u ka tol tari to e Kapernaum, i wakak ning ur toli otleng te na num a hanua.’”

Luk 4:39

Pa e Iesu i tur ting na ngasna, pa i kepsen a laplapang kusuni, pa a hane ning i langolango. Ano otning i kamtur, pa i tabar la ana utna na hangan.

Luk 4:41

Pa a motla otleng la purum kusun a galis, pa la kukuk mang, “U a Nat e God.” Ika e Iesu i sairas la, sur gong la warwara, anasa la tasmani ot mang i e Karisito.

Luk 8:24

A kakak a asaerla la han teteki, la amata i, pa la atai i mange, “Tena Asaer, Tena Asaer, dala kar hirua!” I kamtur, i sairas a wuwu pa a tatatnan top sur diar mamah. Dia manah, pa tasi i mililo rop.

Luk 9:39

A mot i sira solongi, pa i sira kukuk kakat. A mot i sira akoloroni, pa a pahana kaklik ning i busa. A mot bel i sira han kusuni, pa i sira akankan kol a palaona.

Luk 9:42

Ning a kaklik i han tetek e Iesu, a mot i minggen purumi utumo lapiu pa i akoloroni. Ika e Iesu i warwara rakrakai tetek a mot pa i kepseni, pa a kaklik ning i langolango ulak. I saran ulaki tetek e tamana.

Tatatai 12:12

Manglarning, a langit pa mulo ning mulo kes onoi, mulor gas. Ika ir laulau tetek a rakrakan hanua pa a puka tasi otleng, anasa a tena artitiu ka han purum tar tetek mu! Anun a balakut i irnga kol, anasa i tasmani mang bel ma i bongnani.”