Luk 3:22 - Label

²² pa a Talngan Tabu i han purum, i suah a palaona lar a tabun, pa i kes saot o e Iesu. Pa a elngena mainla misaot na langit i atongi mang, “U a Natuklik, a katnan u, a gas kol hom.”

Luk 3:22 ပူးပေါင်းရင်းမြစ်များ

Matiu 12:18

“Ine anuka tena titol ning ia ka aslang pasi, a katnani, a gas kol ono. Ar akas tar a Inguk ono, pa ir apuasa a warkurai ning i tostos tetek na tarai miting na matanitula.

Matiu 17:5

Ning kaning ot i warwara, a laukap ning i talapor kol i poroi alar pas la. Pa a elngen takai misaot na laukap, i atongi mang, “Ine a Natuklik, a katnan koli, a gas kol onoi. Mulor longor tana.”

Matiu 27:43

I tortorot o e God. Ning e God i mang, ono otne ir alaun pasi, anasa i ot ka atong tari mang, ‘Iau a Nat e God.’”

Matiu 3:13

E Iesu i han mitumo na papar Galili uting na malum Jodan tetek e Jon sur ir baptaisi.

Matiu 3:16

Ning ka baptais tari, ono otning e Iesu i saur miting la malum, pa a langit i sapang, pa i oroi a Inguna e God i han purum arlar ana tabun pa i kes saot ono.

Matiu 3:17

Lamur a elngena mainla misaot na langit i atongi mang, “Ine a natuklik, a katnani, a gas kol onoi.”

A Wakak a Warwara o e Iesu Karisito i tumusi 1:11

Pa a elngena mainla misaot na langit i atongi mang, “U a Natuklik, a katnan u, a gas kol hom.”

A Wakak a Warwara o e Iesu Karisito i tumusi 1:9

Ana pukakiarla ning e Jon i baptais a taraila, e Iesu i hanot mitisa na hanua Nasaret ana papar Galili. Pa e Jon i baptaisi ting na malum Jodan.

A Wakak a Warwara o e Iesu Karisito i tumusi 9:7

Lamur a laukap i poroi alar pas la. Pa a elngen takai misaot na laukap i atongi mang, “Ine a Natuklik, a katnan koli. Mulor longor tana.”

Luk 2:14

“Dalar atong leklek a risana e God tisaot kol, pa bal molmol ana rakrakan hanua rop tetek la ning i gas onla.”

Luk 4:21

pa i atai la mange, “A warwara ne mulo longori, di ka tolsot pasi anone.”

Jon 1:32

Pa e Jon i warwara talapor mange, “Bel a tasmani esi e Karisito. Ika e God, ning i sune iau sur ar baptais ana malum, i atai iau mang, ‘Ur oroi a Talngan Tabu ir han purum pa ir kes ana ning a barsan. A barsan ning, ir baptais ana Talngan Tabu.’ Pa a oroi a Talngan Tabu i han purum misaot na langit, i arlar ana tabun pa i kes saot o e Iesu.

Jon 12:28

Tata, ur aleklek a risam!” Pa a elngen takai misaot na langit i atongi mange, “Ia ka aleklek tari, pa ar aleklek ulaki.”

Jon 5:37

Pa e Tata, ning i sune iau ute, i ot ka warwara talapor tar hok. Bel mulo longor a elngena, pa bel mulo oroi tar a matana otleng.

Aposel 10:38

Mulo tasmani mang e God ka saran tar a Talngan Tabu taum ana rakrakai tetek e Iesu, a te Nasaret. Ning i han taltal, i tol a wakak a titolla, pa i alangolango pas la, ning la kes nahai a warkurai ane Satan. E Iesu i tol a ututnala ne, anasa e God i kes taum onoi.

Kolosi 1:13

I ka alaun pas dala kusun a rakrakai ana mormorom, pa ka ben kas pas dala uting na matanitu ane Natnalik ning i mang kol suri,

1 Pita 2:4

Mulor han tetek a Leklek, esaning a lalaun a hat. A taraila la kepseni, ika e God i aslang pasi, pa i wakak kol namatana.